ദേശീയ പാത വികസനത്തിനായി വഴിമാറി; ചൗക്കി നൂറുൽ ഹുദാ ജുമാ മസ്ജിദ് പുനർനിർമ്മിച്ച് വിശ്വാസികൾക്ക് തുറന്നുകൊടുത്തു

ചൗക്കി: (KasargodVartha) ദേശീയ പാത വികസനത്തിന്റെ ഭാഗമായി പൊളിച്ചു മാറ്റിയ ചൗക്കി നൂറുൽ ഹുദാ ജുമാ മസ്ജിദ് പുനർനിർമ്മിച്ച് വിശ്വാസികൾക്ക് തുറന്നു നൽകി. സമസ്ത കേരള ജംഇയത്തുൽ ഉലമ പ്രസിഡന്റ് സയ്യിദ് ജിഫ്രി മുത്തുകോയ തങ്ങൾ മസ്ജിദിന്റെ ഉദ്ഘാടനം നിർവഹിച്ചു. വിശ്വാസികൾക്ക് കൂടുതൽ സൗകര്യങ്ങൾ ഒരുക്കുന്ന രീതിയിലാണ് പുതിയ മസ്ജിദ് നിർമിച്ചിരിക്കുന്നത്.

ചടങ്ങിൽ ജമാഅത്ത് പ്രസിഡന്റ് അബ്ദു കാവുഗോളി അധ്യക്ഷത വഹിച്ചു. മജീദ് ബാഖവി, അബ്ദുൽ റഹ്മാൻ ബിൻ ശൈശൈഖ് തങ്ങൾ, സുബൈർ സഹദി പുത്തപ്പലം, അഷ്‌റഫ് റഹ്മാനി ചൗക്കി എന്നിവർ ആശംസകൾ അർപ്പിച്ചു സംസാരിച്ചു.

മതപ്രഭാഷണം 

ഉദ്ഘാടനത്തോടനുബന്ധിച്ച് സംഘടിപ്പിക്കുന്ന രണ്ട് ദിവസത്തെ മതപ്രഭാഷണ പരമ്പരയിൽ പ്രമുഖ പണ്ഡിതരായ മുഹമ്മദലി സഖാഫി മുള്ളൂർക്കര, ഹാഫിസ് അൻവർ മന്നാനി തൊടുപുഴ എന്നിവർ പ്രഭാഷണം നടത്തും.

പങ്കെടുത്തവർ 

ചടങ്ങിൽ യുഎഇ കമ്മിറ്റി പ്രതിനിധികൾ, ഷഫീഖ് ഇമ്മാമി ഉസ്താദ്, മൂസൽ ഫൈസി സദർ ഉസ്താദ് എന്നിവരടക്കം മത, രാഷ്ട്രീയ, സാമൂഹിക, സാംസ്കാരിക രംഗങ്ങളിലെ നിരവധി പേർ സന്നിഹിതരായിരുന്നു.

ജമാഅത്ത് കമ്മിറ്റി ഭാരവാഹികളായ കെ. പി. മുഹമ്മദ്, ഹമീദ് പടിഞ്ഞാർ, റഹ്മാൻ കന്യപ്പാടി, കരീം മൈൽപാറ, സവാദ് കല്ലൻകൈ, മുനീർ കുന്നിൽ എന്നിവരും കമ്മിറ്റി അംഗങ്ങളായ മുസ്തഫ തോരവളപ്പ്, ഗഫൂർ പേരാൽ, കരീം ചൗക്കി, സിറാജ് കെ. കെ.പുറം, ഹാസൈനാർ ചൗക്കി, സുലൈമാൻ ചൗക്കി, ഹാരിഫ് കടപ്പുറം, ഗഫൂർ അക്കരകുന്ന്, അബ്ദുൽ റഹ്മാൻ കെ. എ., സുലൈമാൻ തോരവളപ്പ്, ആമുച്ച കല്ലൻകൈ എന്നിവരും സംബന്ധിച്ചു. ജനറൽ സെക്രട്ടറി ഷാഫി കെ. കെ.പുറം സ്വാഗതവും, ട്രഷറർ മൊയ്ദു അർജാൽ നന്ദിയും പറഞ്ഞു.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യുക

Article Summary: The rebuilt Chowki Nurul Huda Juma Masjid, which was demolished for National Highway expansion, has been inaugurated by Samastha President Sayyid Jifri Muthukoya Thangal.

#ChowkiMasjid #Kasargod #JifriThangal #Samastha #MosqueOpening #KeralaNews #SpiritualNews