ഫുട്ബോൾ ആരാധകരെ വഞ്ചിച്ചു; കായികമന്ത്രിക്കെതിരെ പ്രതിഷേധവുമായി യൂത്ത് ലീഗ്

കാസർകോട്: (KasargodVartha) ഫുട്ബോൾ താരം ലയണൽ മെസ്സിയെയും അർജന്റീന ടീമിനെയും കേരളത്തിലെത്തിക്കുമെന്ന വാഗ്ദാനം നൽകി കായിക പ്രേമികളെ വഞ്ചിച്ച കായിക വകുപ്പ് മന്ത്രി വി. അബ്ദുറഹ്‌മാനെതിരെ മുസ്‌ലിം യൂത്ത് ലീഗ് കാസർകോട് ജില്ലാ കമ്മിറ്റി പ്രതിഷേധ പന്തുകളി സംഘടിപ്പിച്ചു. ഇതിനായി ഖജനാവിൽ നിന്ന് ലക്ഷങ്ങൾ പാഴാക്കിയ മന്ത്രിയുടെ നടപടിയെ യൂത്ത് ലീഗ് ശക്തമായി അപലപിച്ചു.

13 ലക്ഷം രൂപ ചെലവഴിച്ചു മന്ത്രി നടത്തിയത് വെറും ഊരുചുറ്റൽ മാത്രമാണെന്ന് യൂത്ത് ലീഗ് ആരോപിച്ചു. ഈ തുക ഉപയോഗിച്ച് സുബ്രതോ കപ്പ് ഉൾപ്പെടെയുള്ള ടൂർണമെന്റുകൾ നടത്താനും കായികാധ്യാപകരെ നിയമിക്കാനും സാധിക്കുമായിരുന്നുവെന്നും അവർ ചൂണ്ടിക്കാട്ടി.

മുസ്‌ലിം യൂത്ത് ലീഗ് സംസ്ഥാന വൈസ് പ്രസിഡന്റ് അഷ്‌റഫ് എടനീർ, ജില്ലാ പ്രസിഡന്റ് അസീസ് കളത്തൂർ, ജനറൽ സെക്രട്ടറി സഹീർ ആസിഫ്, വൈസ് പ്രസിഡന്റ് എം.എ. നജീബ്, സെക്രട്ടറി ഗോൾഡ് റഹ്‌മാൻ, സിദ്ദീഖ് സന്തോഷ് നഗർ, ഹാരിസ് ബെദിര, സിദ്ദീഖ് ദണ്ഡഗോളി, ഖാദർ ആലൂർ, നാസർ ചെർക്കളം, ജലീൽ തുരുത്തി, സി.ടി. റിയാസ്, അജ്മൽ തളങ്കര, ഷെരീഫ് മല്ലത്ത്, അഷ്ഫാഖ് തുരുത്തി, കലന്തർ ശാഫി, സമീർ പൊവ്വൽ, സമീർ അല്ലാമ, സലാം ചെർക്കള, സിദ്ദീഖ് ചക്കര, അഷ്‌റഫ് ബൊവികാനം, ഹാഷിർ മൊയ്തീൻ, ഫൈസൽ പൈച്ചു, റഷീദ് ഗസ്സാലി, സജീർ ബെദിര, സിയാൻ തളങ്കര തുടങ്ങിയവർ പ്രതിഷേധത്തിന് നേതൃത്വം നൽകി.

ഈ വാർത്ത നിങ്ങളുടെ സുഹൃത്തുക്കളുമായി പങ്കിടൂ. കമൻ്റുകൾ രേഖപ്പെടുത്താൻ മറക്കരുത്!

Article Summary: Youth League protests Kerala Sports Minister over failed promise.

#YouthLeague #KeralaPolitics #FootballFans #MinisterProtest #SportsNews #Kasaragod