Surprise | അമേരിക്കൻ പ്രസിഡൻ്റിന്റെ ശമ്പളം എത്രയാണ്? വൈറ്റ് ഹൗസിലെ ജീവിതത്തിന്റെ രഹസ്യങ്ങൾ!
● 2001 മുതൽ പ്രസിഡന്റിന്റെ ശമ്പളം വർധിച്ചിട്ടില്ല.
● ആദ്യ പ്രസിഡന്റ് ജോർജ് വാഷിംഗ്ടൺ 2000 ഡോളർ ശമ്പളമാണ് സ്വീകരിച്ചത്
● വിരമിച്ച ശേഷം പ്രസിഡന്റിന് ലഭിക്കുന്ന പെൻഷൻ വളരെ കൂടുതലാണ്
വാഷിംഗ്ടൺ: (KasargodVartha) അമേരിക്കൻ പ്രസിഡന്റ് ലോകത്തിലെ ഏറ്റവും ശക്തമായ രാജ്യത്തിന്റെ തലവനാണ്. ലോകത്തിലെ ഏറ്റവും ശക്തരായ ആളുകളിൽ ഒരാളായാണ് കണക്കാക്കപ്പെടുന്നത്. പുതുതായി തിരഞ്ഞെടുക്കപ്പെട്ട അമേരിക്കൻ പ്രസിഡന്റ് 2025 ജനുവരി 20 ന് ചുമതലയേൽക്കും. അമേരിക്കൻ പ്രസിഡന്റിന്റെ തീരുമാനങ്ങൾ അമേരിക്കയെ മാത്രമല്ല, ലോകത്തെ മുഴുവൻ സ്വാധീനിക്കുന്നു. അമേരിക്കൻ പ്രസിഡന്റിന് എത്ര ശമ്പളം കിട്ടുമെന്ന ചോദ്യം പലരുടെയും മനസ്സിൽ ഉണ്ടാകുന്നത് സ്വാഭാവികമാണ്.
അമേരിക്കൻ പ്രസിഡന്റിന്റെ ശമ്പളം
അമേരിക്കൻ പ്രസിഡൻ്റ് ഒരു സർക്കാർ ഉദ്യോഗസ്ഥനാണ്. പക്ഷേ, വിചാരിക്കുന്നത്ര കോടികണക്കിന് രൂപയുടെ ശമ്പളം ലഭിക്കുന്നില്ല. അമേരിക്കയിലെ ഒരു സാധാരണക്കാരൻ വർഷം 53 ലക്ഷം രൂപയോളം സമ്പാദിക്കുമ്പോൾ, പ്രസിഡന്റിന് ലഭിക്കുന്നത് ഇതിന്റെ ആറിരട്ടിയിൽ അധികമാണ്. എന്നാൽ അമേരിക്കയിലെ ഏറ്റവും സമ്പന്നരായ ഒരു ശതമാനത്തിൽപ്പെട്ടവർ വർഷം 6 കോടി 28 ലക്ഷം രൂപയോളം സമ്പാദിക്കുന്നു. അതായത് പ്രസിഡന്റിന്റെ ശമ്പളം ഇവരുടെ പകുതിയിൽ താഴെയാണ്! പ്രസിഡന്റിന്റെ ശമ്പളം നികുതി പണം കൊണ്ടാണ് നൽകുന്നത്.
അമേരിക്കൻ പ്രസിഡന്റ് ജോ ബൈഡന് പ്രതിവർഷം നാല് ലക്ഷം ഡോളർ, അതായത് 3.36 കോടി രൂപ ശമ്പളമായി ലഭിക്കുന്നു. ഇതിനു പുറമേ, അദ്ദേഹത്തിന് 50,000 ഡോളർ, അതായത് 42 ലക്ഷം രൂപയുടെ അധിക ചെലവുകളും അനുവദിച്ചിട്ടുണ്ട്. വാഷിംഗ്ടൺ ഡിസിയിലെ വൈറ്റ് ഹൗസ് പ്രസിഡന്റിന്റെ ഔദ്യോഗിക വസതിയും ഓഫീസുമാണ്. ഇവിടെ താമസിക്കാൻ പ്രസിഡന്റ് സ്വന്തം പോക്കറ്റിൽ നിന്ന് ഒരുതുകയും ചെലവഴിക്കേണ്ടതില്ല.
വൈറ്റ് ഹൗസിൽ ആദ്യമായി എത്തുമ്പോൾ, വീടിനെ തന്റെ ഇഷ്ടത്തിനനുസരിച്ച് ഒരുക്കാൻ പ്രസിഡന്റിന് ഒരു ലക്ഷം ഡോളർ, അതായത് 84 ലക്ഷം രൂപ ലഭിക്കും. വിനോദത്തിനും ജീവനക്കാർക്കും പാചകക്കാർക്കുമായി പ്രതിവർഷം 19,000 ഡോളർ, അതായത് 60 ലക്ഷം രൂപയും ലഭ്യമാണ്. അതായത് അമേരിക്കൻ പ്രസിഡന്റിന് ലഭിക്കുന്ന ആനുകൂല്യങ്ങൾ വളരെ വലുതാണ്. 3.36 കോടി രൂപയുടെ വാർഷിക ശമ്പളത്തിനു പുറമേ, വൈറ്റ് ഹൗസിലെ രാജകീയ ജീവിതം, വിനോദം, ജീവനക്കാർ എന്നിവയ്ക്കായി വലിയ തുകയാണ് ലഭിക്കുന്നത്.
യാത്രയും സുരക്ഷയും
അമേരിക്കൻ പ്രസിഡന്റ് ലോകത്തിലെ ഏറ്റവും സുരക്ഷിതമായ വ്യക്തികളിൽ ഒരാളാണ്. യാത്രകൾ അത്യധികം സുരക്ഷയോടെയാണ് നടത്തുന്നത്. പ്രസിഡന്റ് യാത്ര ചെയ്യാൻ ഉപയോഗിക്കുന്ന ലിമോസിൻ കാറുകൾ, മറൈൻ ഹെലികോപ്റ്ററുകൾ, എയർഫോഴ്സ് വൺ എന്ന വിമാനം എന്നിവയിൽ ആധുനിക സുരക്ഷാ സംവിധാനങ്ങൾ സജ്ജീകരിച്ചിരിക്കുന്നു. ഈ വാഹനങ്ങൾക്ക് 'ഫ്ലൈയിംഗ് കാസിൽ' എന്നും 'ഫ്ലൈയിംഗ് വൈറ്റ് ഹൗസ്' എന്നും വിളിപ്പേരുകൾ ഉണ്ട്.
എയർഫോഴ്സ് വൺ വിമാനം ഒരു ചെറിയ വിമാനത്താവളം പോലെയാണ്. ഇതിൽ പ്രസിഡന്റിന്റെ ദൈനംദിന ജോലികൾ നിർവഹിക്കാൻ ആവശ്യമായ എല്ലാ സൗകര്യങ്ങളും ഉണ്ട്. പ്രസിഡന്റ് വാഷിംഗ്ടണിലെ ഔദ്യോഗിക വസതിയിൽ നിന്ന് വിമാനത്താവളത്തിലേക്ക് മറൈൻ വൺ ഹെലികോപ്റ്ററിലാണ് യാത്ര ചെയ്യുന്നത്. അവിടെ നിന്ന് അന്താരാഷ്ട്ര വിമാനങ്ങൾക്ക് എയർഫോഴ്സ് വൺ ഉപയോഗിക്കുന്നു.
അമേരിക്കൻ പ്രസിഡന്റുമാരുടെ ശമ്പളത്തെക്കുറിച്ച് ഒരു രസകരമായ വസ്തുതയുണ്ട്. മിക്കവാറും എല്ലാ ജോലികളിലും ശമ്പളം കാലാകാലങ്ങളിൽ കൂടാറുണ്ടല്ലോ? എന്നാൽ 2001 മുതൽ അമേരിക്കൻ പ്രസിഡന്റിന്റെ ശമ്പളം വർധിച്ചിട്ടില്ല. അതായത്, ജോർജ്ജ് ബുഷ് പ്രസിഡന്റായ കാലത്തുണ്ടായ ഒരു വർദ്ധനവ് കഴിഞ്ഞ്, ശമ്പളം അതേപടി തുടരുന്നു.
അമേരിക്കയുടെ ആദ്യ പ്രസിഡന്റ് ജോർജ് വാഷിംഗ്ടൺ തന്റെ കാലത്ത് വലിയ തുകയായി കണക്കാക്കപ്പെട്ട 2000 ഡോളർ ആയിരുന്നു ശമ്പളമായി സ്വീകരിച്ചത്. ഇതുകൂടാതെ, അദ്ദേഹം ഒരു സമ്പന്ന കർഷകൻ കൂടിയായിരുന്നു. ഇതിനുശേഷം, ഡൊണാൾഡ് ട്രംപ്, ജോൺ എഫ് കെന്നഡി, ഹെർബർട്ട് ഹൂവർ തുടങ്ങിയ സമ്പന്നരായ അമേരിക്കൻ പ്രസിഡൻ്റുമാർ അവരുടെ വാർഷിക ശമ്പളം സംഭാവന ചെയ്യാറുണ്ടായിരുന്നു.
എന്നാൽ, പ്രസിഡന്റിന് വിരമിച്ച ശേഷം ലഭിക്കുന്ന പെൻഷൻ തുക വളരെ കൂടുതലാണ, ഏകദേശം രണ്ട് കോടി രൂപ! (പ്രതിവർഷം 2.40 ലക്ഷം ഡോളർ).
#USPresident #salary #WhiteHouse #AirForceOne #presidentialbenefits #WashingtonDC
Tags
Share this story
