ഉദുമ മണ്ഡലം എൽഡിഎഫ് ജാഥ: സർക്കാർ നടപ്പാക്കിയ ക്ഷേമ പദ്ധതികൾ വിശദീകരിച്ച് പര്യടനം; സമാപന സമ്മേളനത്തിന് ഒരുങ്ങി കൂട്ടപ്പുന്ന

ഉദുമ: (KasargodVartha) എൽഡിഎഫ് സർക്കാർ നടപ്പാക്കിയ വികസന, ക്ഷേമ പദ്ധതികൾ ജനങ്ങളിലെത്തിക്കുക എന്ന ലക്ഷ്യത്തോടെ സി എച്ച് കുഞ്ഞമ്പു എംഎൽഎ നയിക്കുന്ന ഉദുമ മണ്ഡലം വികസന സന്ദേശ യാത്രയുടെ പര്യടനം ആവേശകരമായ അവസാന ഘട്ടത്തിലേക്ക്. ചൊവ്വാഴ്ച (ഫെബ്രുവരി 17) കൂട്ടപ്പുന്നയിലാണ് ജാഥയുടെ സമാപനം നടക്കുക.

സി എച്ച് കുഞ്ഞമ്പു എംഎൽഎ ലീഡറും സിപിഐ ജില്ലാ എക്‌സിക്യുട്ടിവ് അംഗം അഡ്വ. വി സുരേഷ് ബാബു ഡെപ്യൂട്ടി ലീഡറും, ഐഎൻഎൽ ഉദുമ മണ്ഡലം പ്രസിഡന്റ്‌ മൗവ്വൽ കുഞ്ഞബ്ദുള്ള മാനേജരുമായ ജാഥയ്ക്ക് മണ്ഡലത്തിലുടനീളം ഉജ്ജ്വല സ്വീകരണമാണ് ലഭിക്കുന്നത്.

മൂന്നാം ദിന പര്യടനം

തിങ്കളാഴ്ച (16.02.2026) രാവിലെ ഒൻപത് മണിക്ക് ഇരിയണ്ണിയിൽ നിന്നാണ് മൂന്നാം ദിവസത്തെ പര്യടനം ആരംഭിച്ചത്. തുടർന്ന് കോട്ടൂർ, ബോവിക്കാനം, മണ്യം ചട്ടഞ്ചാൽ, കോളിയടുക്കം, അരമങ്ങാനം ഉലൂജി, എ കെ ജി നഗർ, മീത്തൽ മാങ്ങാട്, പാലക്കുന്ന് എന്നിവിടങ്ങളിലെ സ്വീകരണങ്ങൾക്ക് ശേഷം വൈകുന്നേരം ഏഴ് മണിയോടെ കൊപ്പലിൽ സമാപിച്ചു.

വിവിധ സ്വീകരണ കേന്ദ്രങ്ങളിൽ ജാഥാ ലീഡർ സി എച്ച് കുഞ്ഞമ്പു എംഎൽഎ, മാനേജർ മൗവ്വൽ കുഞ്ഞബ്ദുല്ല, ഉപലീഡർ വി സുരേഷ് ബാബു, എൽഡിഎഫ് നേതാക്കളായ കെ വി കുഞ്ഞിരാമൻ, ടി കൃഷ്ണൻ, ഇ പത്മാവതി, സിജി മാത്യു, മധു മുതിയക്കാൽ, പി മണിമോഹൻ, ടി നാരായണൻ, വി രാജൻ, കുഞ്ഞിരാമൻ കുന്നൂച്ചി, രാധാകൃഷ്ണൻ പെരുമ്പള, കെ സന്തോഷ്‌കുമാർ, വി ആർ ഗംഗാധരൻ, പി വി രാജേന്ദ്രൻ, കുഞ്ഞിരാമൻ ഉളിയത്തടുക്ക, ഇ കുഞ്ഞിക്കണ്ണൻ, ഇ മനോജ്കുമാർ, ആഷിക് മുസ്തഫ എന്നിവർ സംസാരിച്ചു.

രണ്ടാം ദിനവും ഉദ്ഘാടനവും

നേരത്തെ, ജാഥയുടെ രണ്ടാം ദിവസം അഡൂർ, പാണ്ടി, ബന്തടുക്ക, പടുപ്പ്, കുറ്റിക്കോൽ, മുന്നാട്, ബേഡകം, കുണ്ടംകുഴി എന്നിവിടങ്ങളിലെ സ്വീകരണങ്ങൾക്ക് ശേഷം പെർളടുക്കത്ത് സമാപിച്ചിരുന്നു. ജാഥയുടെ ഔദ്യോഗിക ഉദ്ഘാടനം ദേലംപാടിയിൽ സിപിഐ ദേശീയ കൗൺസിൽ അംഗം ഗോവിന്ദൻ പള്ളിക്കാപ്പിൽ നിർവ്വഹിച്ചു. എം മാധവൻ അധ്യക്ഷത വഹിച്ച ചടങ്ങിൽ എൽഡിഎഫ് നേതാക്കളായ കെ വി കുഞ്ഞിരാമൻ, സിജി മാത്യു, ഇ പത്മാവതി തുടങ്ങിയവർ സംസാരിച്ചു.

സമാപനം കൂട്ടപ്പുന്നയിൽ

നാല് ദിവസത്തെ പര്യടനത്തിന് ശേഷം ജാഥ ചൊവ്വാഴ്ച വൈകുന്നേരം കൂട്ടപ്പുന്നയിൽ സമാപിക്കും. സമാപന സമ്മേളനത്തിൽ പ്രമുഖ എൽഡിഎഫ് നേതാക്കൾ പങ്കെടുക്കും.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഉസുഹൃത്തുകൾക്കും കുടുംബാംഗങ്ങൾക്കും വാട്സ്ആപ്പ് ഗ്രൂപ്പുകളിലും ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: The LDF Uduma Constituency Development Message Yatra, led by CH Kunhambu MLA, will conclude on Tuesday, Feb 17, at Koottappunna.

#LDF #Uduma #CHKunhambu #Koottappunna #KasaragodPolitics #CPIM #VikasanaSandeshaYatra #KeralaPolitics