ബദിയടുക്കയിൽ യു ഡി എഫ് - എൽ ഡി എഫ് പ്രവർത്തകർ തമ്മിൽ സംഘർഷം; സി പി എം ഓഫീസിലേക്ക് പടക്കം എറിഞ്ഞു

ബദിയടുക്ക: (www.kasargodvartha.com 17.12.2020) ബദിയടുക്ക ടൗണിൽ ആഹ്ലാദ പ്രകടനം നടത്തുകയായിരുന്ന യു ഡി എഫ് പ്രവർത്തകരും എൽ ഡി എഫ് പ്രവർത്തകരും തമ്മിൽ സംഘർഷം. യു ഡി എഫ് പ്രവർത്തകർ പ്രകടനം നടത്തുന്നതിനിടെ പാർടി ഓഫീസിന് സമീപം തടിച്ചുകൂടിയ എൽ ഡി എഫ് പ്രവർത്തകർ മുദ്രാവാക്യം വിളിച്ച് കൊടി വീശിയതോടെയാണ് സംഘർഷാവസ്ഥ ഉടലെടുത്തത്.

ഇതിനിടെയാണ് സി പി എം ലോകൽ കമ്മറ്റി ഓഫീസിന് നേരെ യു ഡി എഫ് പ്രവർത്തകർ പടക്കം എറിഞ്ഞത്. ലോകൽ സെക്രടറി ഉൾപ്പെടെ അഞ്ച്‌ പേർക്ക്‌ പരിക്കേറ്റതായി സി പി എം നേതൃത്വം ആരോപിച്ചു. 

വ്യാഴാഴ്‌ച വൈകിട്ട്‌ 5.30 മണിയോടെയാണ് സംഭവം. സി പി എം ഓഫീസിൽ വെച്ചിരുന്ന ബോർഡുകൾ പടക്കം എറിഞ്ഞതിനെ തുടർന്ന് കത്തിനശിച്ചതായി നേതാക്കൾ പറഞ്ഞു. പരിക്കേറ്റ ലോകൽ സെക്രടറി കൃഷ്‌ണൻ ബദിയടുക്ക ഉൾപ്പെടെയുള്ള അഞ്ച്‌ സിപി എം പ്രവർത്തകരെ ആശുപത്രിയിൽ പ്രവേശിപ്പിച്ചു.