പിണറായി സര്‍ക്കാര്‍ കേരളത്തെ പട്ടിണിക്കിട്ട് കൊല്ലരുത്: യുഡിഎഫ്

ചെര്‍ക്കള: (www.kasargodvartha.com 01.03.2017) താങ്ങാനാവാത്ത വിലക്കയറ്റത്തിലേക്ക് കേരളത്തെ തള്ളിവിട്ട് എല്‍ ഡി എഫ് സര്‍ക്കാര്‍ ജനങ്ങളെ പട്ടിണി മരണത്തിലേക്ക് നായിക്കരുതെന്ന് യു ഡി എഫ് ജില്ലാ ചെയര്‍മാന്‍ ചെര്‍ക്കളം അബ്ദുല്ല പറഞ്ഞു. അഞ്ചു വര്‍ഷത്തേക്ക് വിലക്കയറ്റമില്ലെന്നാണ് ഇടതുപക്ഷം ജനങ്ങളോട് പറഞ്ഞത്. ആറ് മാസം കൊണ്ട് അരിവില ഇരട്ടിയാകാന്‍ പോകുന്നു. സാധാരണക്കാരനും പാവപ്പെട്ടവനും ആശ്രയിച്ച റേഷന്‍ കടയില്‍ അരി കിട്ടാനില്ല. പഞ്ചസാരയുള്‍പ്പെടെ റേഷന്‍ കട വഴി വിതരണം ചെയ്ത നിത്യോപയോഗ സാധനങ്ങള്‍ക്ക് തീ പിടിച്ച വിലയാണിന്ന്. എന്നിട്ടും നിസ്സംഗത തുടരുകയാണ് ഇടതുപക്ഷമെന്ന ഭരണപക്ഷം.



ഭരിക്കാന്‍ അറിയാത്തതാണ് ഇടതിന്റെ കുഴപ്പം. അച്യുതാനന്ദന്‍ എട്ട് രൂപയുള്ള അരിക്ക് 35 രൂപയാക്കിയാണ് പടിയിറങ്ങിയത്. യു ഡി എഫ് കാലഘട്ടത്തിലാണ് അത് 28 ആക്കി കുറച്ചു കൊണ്ട് വന്നത്. 28 ല്‍ നിന്നും 48ല്‍ എത്തിച്ചിരിക്കുകയാണ് പിണറായി. പണമില്ലാത്ത പണിയില്ലാത്ത ഇടതു ഭരണ കാലത്ത് പട്ടിണി സഹിച്ചു കഴിയാന്‍ ജനങ്ങള്‍ തയ്യാറല്ലെന്ന് മനസ്സിലാക്കണം. ആദിവാസി ഊരുകളില്‍ പോലും റേഷനില്ലാത്ത ഈ അവസ്ഥ തുടരാന്‍ അനുവദിക്കില്ലെന്നും ചെര്‍ക്കളം പറഞ്ഞു.

Keywords: Kerala, kasaragod, Pinarayi-Vijayan, Rice, UDF, LDF, Cherkalam Abdulla, news, Cherkalam Abdulla, UDF against govt. on rice price increasing issue