യുദ്ധം ജയിക്കുമ്പോൾ സൈന്യാധിപനെ പിൻവലിക്കരുത്; സുധാകരന് പിന്തുണയുമായി പോസ്റ്ററുകൾ

കാസർകോട്: (KasargodVartha) കെ.പി.സി.സി പ്രസിഡന്റ് കെ. സുധാകരനെ പിന്തുണച്ച് കാസർകോട് ഡി.സി.സി ഓഫീസിന് മുന്നിൽ പോസ്റ്ററുകൾ പ്രത്യക്ഷപ്പെട്ടു. ‘യുദ്ധം ജയിച്ച് മുന്നേറുമ്പോൾ സൈന്യാധിപനെ പിൻവലിക്കുന്നത് എതിർ പക്ഷത്തിന് കാര്യങ്ങൾ എളുപ്പമാക്കും’ എന്നും, സി.പി.എം കാപാലികരോട് ഒരിക്കലും സന്ധി ചെയ്യാത്ത കെ. സുധാകരൻ തുടരട്ടെ എന്നും പോസ്റ്ററിൽ പറയുന്നു. ‘സേവ് കോൺഗ്രസ് കാസർകോട്’ എന്ന പേരിലാണ് പോസ്റ്റർ പ്രത്യക്ഷപ്പെട്ടത്.

കെ. സുധാകരനെ കെ.പി.സി.സി പ്രസിഡന്റ് സ്ഥാനത്ത് നിന്ന് മാറ്റുമെന്ന പ്രചാരണം മാധ്യമങ്ങളിൽ സജീവമായിരിക്കെയാണ് അദ്ദേഹത്തെ അനുകൂലിച്ച് സംസ്ഥാനത്തുടനീളം പോസ്റ്ററുകൾ ഉയരുന്നത്.

കെ. സുധാകരന്റെ തട്ടകമായ കണ്ണൂർ മുതൽ കെ.പി.സി.സി ആസ്ഥാനം വരെ അദ്ദേഹത്തിനായി പോസ്റ്ററുകൾ പ്രത്യക്ഷപ്പെടുന്നുണ്ട്. പാർട്ടിക്കുള്ളിലെ വലിയൊരു വിഭാഗം നേതാക്കൾക്കും കെ. സുധാകരനെ അധ്യക്ഷ സ്ഥാനത്ത് നിന്ന് മാറ്റുന്നതിനോട് യോജിപ്പില്ല.

ജനപിന്തുണയുള്ള കെ. സുധാകരൻ പിണറായി സർക്കാരിനെ അധികാരത്തിൽ നിന്ന് പുറത്താക്കിയ ശേഷം മാത്രമേ പദവി ഒഴിയുകയുള്ളൂ എന്ന നിലപാടിലാണ്.

കെ. സുധാകരന് പിന്തുണയുമായി കാസർകോട് ഡി.സി.സി ഓഫീസിന് മുന്നിൽ പോസ്റ്ററുകൾ! ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: Posters supporting KPCC President K. Sudhakaran appeared in front of the Kasaragod DCC office. The posters state that withdrawing the commander while winning the war will make things easier for the opposition and that Sudhakaran, who never compromises with the CPM, should continue.

#KSudhakaran, #CongressKerala, #KasaragodDCC, #KeralaPolitics, #SaveCongress, #PoliticalPosters