കടൽ വിഴുങ്ങുന്നു: കാപ്പിൽ-കൊപ്പൽ, കൊവ്വൽ-ജന്മ നിവാസികൾ പ്രക്ഷോഭത്തിൽ

ഉദുമ: (KasargodVartha) രൂക്ഷമായ കടലാക്രമണം തടയാൻ നടപടി സ്വീകരിക്കണമെന്നാവശ്യപ്പെട്ട് തീരദേശ സംരക്ഷണ സമിതിയുടെ നേതൃത്വത്തിൽ കലക്ടറേറ്റ് മാർച്ച് നടത്തി.

കാപ്പിൽ-കൊപ്പൽ, കൊവ്വൽ-ജന്മ തുടങ്ങിയ ജനസാന്ദ്രതയേറിയ തീരപ്രദേശങ്ങൾ കടലെടുത്ത സാഹചര്യത്തിൽ, പ്രദേശത്തെ മുഴുവൻ ജനങ്ങളുടെയും ജീവനും സ്വത്തിനും മതിയായ സംരക്ഷണം ഏർപ്പെടുത്തണമെന്നാവശ്യപ്പെട്ടാണ് ധർണ നടത്തിയത്.

സി.എച്ച്. കുഞ്ഞമ്പു എം.എൽ.എ. ധർണ ഉദ്ഘാടനം ചെയ്തു. ചെയർമാൻ അശോകൻ സിലോൺ അധ്യക്ഷനായിരുന്നു. മുൻ എം.എൽ.എ. കെ.വി. കുഞ്ഞിരാമൻ, ബ്ലോക്ക് പഞ്ചായത്ത് പ്രസിഡന്റ് എം.കെ. വിജയൻ, ബ്ലോക്ക് പഞ്ചായത്തംഗം പുഷ്പ ശ്രീധരൻ, പഞ്ചായത്തംഗങ്ങളായ പി.കെ. ജലീൽ, ശകുന്തള ഭാസ്കരൻ, ചന്ദ്രൻ നാലാം വാതുക്കൽ, രാഷ്ട്രീയ പാർട്ടി നേതാക്കളായ പി.വി. രാജേന്ദ്രൻ, കെ. ശ്രീധരൻ, കെ. സന്തോഷ് കുമാർ, കെ.വി. അപ്പു, ബി. ബാലകൃഷ്ണൻ എന്നിവർ സംസാരിച്ചു.

രമേശൻ കൊപ്പൽ സ്വാഗതവും ഭാവനൻ കൊപ്പൽ നന്ദിയും പറഞ്ഞു. കലക്ടറേറ്റ് സമരത്തിൽ നൂറുകണക്കിന് പ്രദേശവാസികൾ പങ്കെടുത്തു.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ താഴെ കമന്റ് ബോക്സിൽ രേഖപ്പെടുത്തുക.

Article Summary: Coastal residents protest sea erosion in Kappil-Koppal, demanding protection.

#SeaErosion #KeralaCoast #CoastalProtection #Kasaragod #Protest #EnvironmentalIssue