ത്രിതല പഞ്ചായത്ത് തിരഞ്ഞെടുപ്പ്: കുമ്പളയിൽ പത്ത് വാർഡുകളിലായി എസ്ഡിപിഐ ജനവിധി തേടും

കുമ്പള: (KasargodVartha) ത്രിതല പഞ്ചായത്ത് തിരഞ്ഞെടുപ്പിൽ 'അവകാശങ്ങൾ അർഹരിലേക്ക്, അഴിമതിയില്ലാത്ത വികസനത്തിന് എസ്ഡിപിഐ' എന്ന മുദ്രാവാക്യം ഉയർത്തിക്കൊണ്ട് പാർട്ടി വിവിധ വാർഡുകളിലായി പത്ത് ഇടങ്ങളിൽ ജനവിധി തേടുമെന്ന് പാർട്ടി പഞ്ചായത്ത് പ്രസിഡന്റ് നാസർ ബംബ്രാണ അറിയിച്ചു.

അഴിമതിയിൽ മുങ്ങിക്കുളിച്ചതും വികസന മുരടിപ്പ് നേരിടുന്നതുമായ കുമ്പള ഗ്രാമപഞ്ചായത്ത് ഭരണത്തിനും അതിന് കൂട്ടുനിൽക്കുന്ന പ്രതിപക്ഷത്തിനും എതിരെ ജനങ്ങൾക്കിടയിൽ വലിയ പ്രതിഷേധം ഉയർന്നുവരുന്ന സാഹചര്യമാണ് നിലവിലുള്ളത്. 

ഈ സാഹചര്യത്തിൽ ഒരു ബദൽ രാഷ്ട്രീയം ജനങ്ങൾ ആഗ്രഹിക്കുന്നുണ്ടെന്നും അത് എസ്ഡിപിഐയിലൂടെ സാധ്യമാക്കുമെന്നും നാസർ ബംബ്രാണ പറഞ്ഞു.

കുമ്പോൽ, ആരിക്കാടി, കക്കളംകുന്ന്, ബംബ്രാണ, കൊടിയമ്മ, കുമ്പള റെയിൽവേ സ്റ്റേഷൻ, ബദ്രിയ നഗർ, കുമ്പള മാട്ടൻകുഴി, മൊഗ്രാൽ, കൊപ്പളം, നടുപ്പളം എന്നീ വാർഡുകളാണ് പാർട്ടിയുടെ പ്രധാന പരിഗണനയിലുള്ളത്.

ഈ വാർഡുകളിലേക്കുള്ള സ്ഥാനാർഥി പട്ടിക പൂർത്തിയായി വരികയാണെന്നും വരും ദിവസങ്ങളിൽ ഔദ്യോഗിക പ്രഖ്യാപനം ഉണ്ടാകുമെന്നും പ്രസ്താവനയിൽ അറിയിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവയ്ക്കുക. 

Article Summary: SDPI to contest 10 wards in Kumbala Panchayat election on an anti-corruption, pro-development platform.

#SDPI #Kumbala #PanchayatElection #KeralaPolitics #Kasargod #Election2025