ഗവർണർ സ്ഥാനം ഒഴിഞ്ഞതിന് ശേഷം വീണ്ടും വക്കീൽ കുപ്പായം അണിഞ്ഞ് പി എസ് ശ്രീധരൻപിള്ള; കോടതിയിൽ ഹാജരായത് ഷാൻ വധക്കേസിലെ പ്രതികൾക്ക് വേണ്ടി
● ഗവർണർ പദവിക്ക് ശേഷം അഭിഭാഷക വൃത്തിയിലേക്ക് മടങ്ങുന്ന രാജ്യത്തെ ആദ്യത്തെയാളാണ് താനെന്ന് ശ്രീധരൻപിള്ള
● കേരളത്തിൽ മാറിമാറി വന്ന സർക്കാരുകൾ 12 കേസുകളിൽ ഇദ്ദേഹത്തെ സ്പെഷ്യൽ പബ്ലിക് പ്രോസിക്യൂട്ടറായി നിയമിച്ചിട്ടുണ്ട്
● കേരള ഹൈകോടതിയിൽ കേന്ദ്ര സർക്കാരിൻ്റെ സീനിയർ സ്റ്റാൻഡിങ് കൗൺസലായി പ്രവർത്തിച്ചിട്ടുണ്ട്
● സിബിഐയുടെ ഹൈകോടതിയിലെ സ്റ്റാൻഡിങ് കൗൺസൽ, കാലിക്കറ്റ് ബാർ അസോസിയേഷൻ പ്രസിഡൻ്റ് എന്നീ പദവികളും വഹിച്ചു
ആലപ്പുഴ: (KasargodVartha) ഗവർണർ സ്ഥാനം ഒഴിഞ്ഞതിന് ശേഷം വീണ്ടും വക്കീൽ കുപ്പായം അണിഞ്ഞ് ബിജെപി നേതാവ് പി എസ് ശ്രീധരൻപിള്ള. ആലപ്പുഴ സെഷൻസ് കോടതിയിലാണ് ഷാൻ വധക്കേസിലെ പ്രതികൾക്ക് വേണ്ടി ശ്രീധരൻപിള്ള ഹാജരായത്. ഗവർണർ സ്ഥാനം ഒഴിഞ്ഞതിന് ശേഷം അഭിഭാഷക വൃത്തിയിലേക്ക് തിരിച്ചെത്തുന്ന രാജ്യത്തെ ആദ്യത്തെ ആളാണ് താൻ എന്ന് ശ്രീധരൻപിള്ള പറഞ്ഞു. അഭിഭാഷക വൃത്തിയോടുള്ള ഇഷ്ടം കൊണ്ടാണ് വീണ്ടും പ്രൊഫഷനിലേക്ക് തിരിച്ചെത്തിയതെന്നും അദ്ദേഹം കൂട്ടിച്ചേർത്തു.
4 പതിറ്റാണ്ടിലേറെ നീണ്ട നിയമപാരമ്പര്യം
നിയമരംഗത്ത് നാല് പതിറ്റാണ്ടിലേറെ പ്രവർത്തന പാരമ്പര്യമുള്ള മുതിർന്ന അഭിഭാഷകനാണ് പി എസ് ശ്രീധരൻപിള്ള. കീഴ്കോടതി മുതൽ സുപ്രീംകോടതി വരെ ഒട്ടേറെ പ്രമാദമായ കേസുകളിൽ ഹാജരായിട്ടുള്ള ശ്രീധരൻപിള്ളയെ കേരളത്തിൽ മാറിമാറി വന്ന സർക്കാരുകൾ 12 കേസുകളിൽ സ്പെഷ്യൽ പബ്ലിക് പ്രോസിക്യൂട്ടറായി നിയമിച്ചിട്ടുണ്ട്.
വഹിച്ച ഉന്നത നിയമപദവികൾ
കേന്ദ്ര സർക്കാരിൻ്റെ കേരള ഹൈകോടതിയിലെ സീനിയർ സ്റ്റാൻഡിങ് കൗൺസൽ (അസിസ്റ്റൻ്റ് സോളിസിറ്റർ ജനറൽ), സിബിഐയുടെ ഹൈകോടതിയിലെ സ്റ്റാൻഡിങ് കൗൺസൽ, കാലിക്കറ്റ് ബാർ അസോസിയേഷൻ പ്രസിഡൻ്റ് എന്നീ നിലകളിലും പി എസ് ശ്രീധരൻപിള്ള പ്രവർത്തിച്ചിട്ടുണ്ട്.
കൂടുതല് വാർത്തകളും വിശേഷങ്ങളും അറിയാന് ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് കമൻ്റായി രേഖപ്പെടുത്തുക.
Article Summary: Former Governor and BJP leader PS Sreedharan Pillai returns to legal practice, appearing for the accused in the Shan murder case at Alappuzha Sessions Court.
#PSSreedharanPillai #AlappuzhaNews #ShanMurderCase #KeralaPolitics #BJP #LegalNews #MalayalamNews #RenuNews






