വന്ദേമാതരത്തെ എതിർക്കുന്നത് അടുത്ത വിഭജനത്തിനുള്ള വിത്തുപാകൽ; കോൺഗ്രസ് മുസ്ലിം ലീഗിന് പൂർണമായും കീഴടങ്ങിയെന്ന് പി കെ കൃഷ്ണദാസ്

കാസർകോട്: (KasargodVartha) വന്ദേമാതരം മുഴുവനായി ആലപിക്കില്ലെന്ന് പറയുന്ന മുഖ്യമന്ത്രി വി ഡി സതീശൻ സർക്കാരിൻ്റെ നിലപാട് രാജ്യത്തിൻ്റെ ഐക്യത്തിന് ഭീഷണിയാണെന്നും, ഇത് അടുത്ത വിഭജനത്തിന് വിത്തുപാകലാണെന്നും ബിജെപി ദേശീയ നിർവാഹക സമിതി അംഗം പി കെ കൃഷ്ണദാസ് ആരോപിച്ചു. കാസർകോട്ട് ഭാരതീയ ജനതാ പാർട്ടി ജില്ലാ ആസ്ഥാനത്ത് മാധ്യമങ്ങളെ കാണുകയായിരുന്നു അദ്ദേഹം.

കോൺഗ്രസ് ലീഗിന് കീഴടങ്ങി

ഭാരതത്തെ രണ്ടായി വിഭജിക്കണമെന്നും 17 ആയി വിഭജിക്കണമെന്നും ആവശ്യപ്പെട്ട മുസ്ലിം ലീഗും കമ്മ്യൂണിസ്റ്റ് പാർട്ടികളും വന്ദേമാതരത്തെ എതിർക്കുന്ന നിലപാട് സ്വീകരിക്കുന്നത് മനസ്സിലാക്കാം. എന്നാൽ സ്വാതന്ത്ര്യസമര ചരിത്രത്തിൽ വലിയ പാരമ്പര്യമുള്ള കോൺഗ്രസ് മുസ്ലിം ലീഗിന് പൂർണമായും കീഴടങ്ങിയതാണ് ഏറെ അപകടകരമെന്നും അദ്ദേഹം കുറ്റപ്പെടുത്തി.

ഇന്ത്യ മുന്നണിയുടെ കപടത

വിദ്യാർഥികളുടെ അവകാശങ്ങളെയും സമരങ്ങളെയും പിന്തുണയ്ക്കുന്നുവെന്ന ഇന്ത്യ മുന്നണിയുടെ അവകാശവാദം കപടമാണെന്ന് ജാർഖണ്ഡ് സമരത്തോടും കേരള സംസ്ഥാന സെക്രട്ടേറിയറ്റിന് മുന്നിലെ സമരത്തോടും രാഹുൽ ഗാന്ധിയുടെയും കോൺഗ്രസ് ദേശീയ നേതൃത്വത്തിൻ്റെയും നിലപാടിൽ നിന്നും ഒരിക്കൽ കൂടി വ്യക്തമായി. കേരളത്തിൽ വിവിധ പിഎസ്സി റാങ്ക് ഹോൾഡേർസ് നടത്തുന്ന സമരങ്ങളിൽ അവരുമായി ചർച്ച നടത്താൻ പോലും മുഖ്യമന്ത്രി തയാറായില്ല.

നിരവധി ഗുരുതര ആരോപണങ്ങൾ ഉയർന്നിട്ടും പിഎസ്സിയെ അന്വേഷണ വിധേയമാക്കാൻ സംസ്ഥാന സർക്കാർ തയാറാകാത്തതിൽ നിന്നും യുവാക്കളുടെയും വിദ്യാർഥികളുടെയും പ്രശ്നങ്ങളിൽ ഇരുമുന്നണികളും രണ്ടല്ല ഒന്നാണെന്ന് വ്യക്തമായതായും കൃഷ്ണദാസ് ചൂണ്ടിക്കാട്ടി.

കോർ കമ്മിറ്റിയിലെ ചർച്ചകൾ

ബിജെപി സംസ്ഥാന കോർ കമ്മിറ്റി യോഗത്തിൽ നിയമസഭാ ഫണ്ട് വിനിയോഗത്തെ സംബന്ധിച്ച് യാതൊരു ചർച്ചകളും ഉണ്ടായില്ലെന്നും, അടുത്ത ലോക്സഭാ തിരഞ്ഞെടുപ്പ് ഒരുക്കങ്ങളാണ് പ്രധാനമായും ചർച്ചയായതെന്നും കൃഷ്ണദാസ് വ്യക്തമാക്കി. വാർത്താസമ്മേളനത്തിൽ ബിജെപി ജില്ലാ പ്രസിഡൻ്റ് എം എൽ അശ്വിനി, ജില്ലാ ജനറൽ സെക്രട്ടറി പി ആർ സുനിൽ, ജില്ലാ വൈസ് പ്രസിഡൻ്റ് പി രമേശ് എന്നിവരും പങ്കെടുത്തു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: BJP leader PK Krishnadas criticized Chief Minister VD Satheesan's stance on singing Vande Mataram, claiming it threatens national unity, and accused Congress of surrendering to the Muslim League.

#PKKrishnadas #BJPKerala #VDSatheesan #KasaragodNews #KeralaPolitics #VandeMataram #MalayalamNews #PSCProtest #AparnaNews