Criticism | പിണറായി സർക്കാർ കേരളത്തെ കുറ്റകൃത്യങ്ങളുടെ കേന്ദ്രമാക്കി: മുസ്തഫ പാലേരി

കാസർകോട്: (KasargodVartha) സംഘ് പരിവാർ-പിണറായി സർക്കാർ തമ്മിലുള്ള രഹസ്യ കരാർ പി.വി. അൻവർ വഴി പുറത്തായിട്ടുണ്ടെന്നും ഇത് കേരളത്തെ കുറ്റകൃത്യങ്ങളുടെ കേന്ദ്രമാക്കി മാറ്റിയെന്നും എസ്ഡിപിഐ സംസ്ഥാന സമിതി അംഗം മുസ്തഫ പാലേരി ആരോപിച്ചു. തൃശൂർ പൂരം കലക്കി എംപി സീറ്റ് നേടിക്കൊടുക്കാൻ പിണറായി സർക്കാരിന്റെ പോലീസ് സഹായിച്ചു എന്ന വാർത്ത കേരളത്തെ ലജ്ജിപ്പിക്കുന്നതാണെന്നും അദ്ദേഹം കൂട്ടിച്ചേർത്തു.

അജിത് കുമാറിന്റെ മേൽനോട്ടത്തിൽ സംഘ് പരിവാർ ഇടപെട്ട കേസുകൾ എല്ലാം പുനരന്വേഷണം നടത്തണമെന്നും സ്വർണക്കടത്ത്, വീട്ടമ്മയെ ബലാത്സംഗം ചെയ്തതുൾപ്പെടെയുള്ള കേസുകളിലെ പോലീസ് ഉദ്യോഗസ്ഥരെ നിയമത്തിന് മുന്നിൽ കൊണ്ടുവരണമെന്നും മുസ്തഫ പാലേരി ആവശ്യപ്പെട്ടു.

എസ്ഡിപിഐ കാസർകോട് ജില്ലാ കമ്മിറ്റി സംഘടിപ്പിച്ച കലക്ടറേറ്റിലേക്കുള്ള മാർച്ചിന്റെ ഉദ്ഘാടനം നിർവഹിച്ചുകൊണ്ട് സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് മുഹമ്മദ് പാക്യാര അധ്യക്ഷത വഹിച്ചു. ബിസി റോഡ് ജംഗ്ഷനിൽ നിന്നും നിരവധിപേർ പ്രവർത്തകർ പങ്കെടുത്ത മാർച്ച് പോലീസ് തടഞ്ഞു.

സംസ്ഥാന സമിതി അംഗം മഞ്ചുഷാ മാവിലാടം, ജില്ലാ ജനറൽ സെക്രട്ടറി എ.എച്ച്. മുനീർ, ജില്ലാ സെക്രട്ടറി സവാദ് സി.എ. എന്നിവർ പ്രസംഗിച്ചു. ജില്ലാ വൈസ് പ്രസിഡന്റ് ഇഖ്ബാൽ ഹൊസങ്കടി, ട്രഷറർ ആസിഫ് ടി.ഐ., ജില്ലാ സെക്രട്ടറിമാരായ ഖാദർ അറഫ, ലിയാഖത്തലി, വിമൻ ഇന്ത്യ ജില്ലാ പ്രസിഡന്റ് നജ്മ റഷീദ് എന്നിവർ നേതൃത്വം നൽകി.

#MustafaPaleri, #PinarayiGovernment, #KeralaCrime, #SDPI, #Allegations, #CrimeHub