പിറന്നാൾ നിറവിൽ എൻ എ നെല്ലിക്കുന്ന്; പതിവ് പോലെ ആഘോഷങ്ങളിലാതെ പ്രചാരണ ചൂടിൽ
Mar 18, 2021, 22:30 IST
കാസർകോട്: (www.kasargodvartha.com 18.03.2021) മണ്ഡലത്തിലെ യുഡിഎഫ് സ്ഥാനാർഥി എൻ എ നെല്ലിക്കുന്നിന്റെ 67ാം പിറന്നാളായിരുന്നു വ്യാഴാഴ്ച. ശക്തമായ ത്രികോണ മത്സരം നടക്കുന്ന മണ്ഡലത്തിൽ പ്രചാരണ തിരക്കിൽ ജന്മദിനാഘോഷത്തിനൊന്നും സമയം കിട്ടിയില്ല. പിറന്നാൾ ആഘോഷങ്ങൾ പതിവില്ലെന്ന് എൻ എ നെല്ലിക്കുന്നും പറയുന്നു. പരമാവധി വോടുകൾ സ്വന്തമാക്കാനുള്ള ഓട്ടത്തിലാണ് പിറന്നാൾ ദിനത്തിലും അദ്ദേഹം.
1954 മാർച് 18 ന് കാസർകോട് നെല്ലിക്കുന്നിലെ അബ്ദുൽ ഖാദറിൻ്റെയും നഫീസയുടെയും മകനായാണ് നെല്ലിക്കുന്ന് അബ്ദുൽ ഖാദർ മുഹമ്മദ് കുഞ്ഞി എന്ന എൻ എ നെല്ലിക്കുന്ന് ജനിച്ചത്. നെല്ലിക്കുന്ന് അൻവാറുൽ ഉലൂം എഎൽപി സ്കൂൾ, തളങ്കര മുസ് ലിം ഹൈസ്കൂൾ, കാസർകോട് ഗവ.കോളജ് എന്നിവിടങ്ങളിൽ നിന്നും വിദ്യാഭ്യാസം നേടി. കോളജ് പഠനകാലത്ത് കാസർകോട് ഗവ കോളജ് എംഎസ്എഫ് ജനറൽ സെക്രടറിയായിരുന്നു. 1975 ൽ പ്രവാസിയായി. റീഡേഴ്സ് ഫോറത്തിൻ്റെ സ്ഥാപക ജനറൽ സെക്രടറിയായിരുന്നു. ഏറെ കാലം ചന്ദ്രിക ദുബൈ പ്രതിനിധിയായി പ്രവർത്തിച്ചു. 1984 ലാണ് വീണ്ടും നാട്ടിലെത്തി സജീവ രാഷ്ട്രീയത്തിൽ ഇറങ്ങിയത്.
1954 മാർച് 18 ന് കാസർകോട് നെല്ലിക്കുന്നിലെ അബ്ദുൽ ഖാദറിൻ്റെയും നഫീസയുടെയും മകനായാണ് നെല്ലിക്കുന്ന് അബ്ദുൽ ഖാദർ മുഹമ്മദ് കുഞ്ഞി എന്ന എൻ എ നെല്ലിക്കുന്ന് ജനിച്ചത്. നെല്ലിക്കുന്ന് അൻവാറുൽ ഉലൂം എഎൽപി സ്കൂൾ, തളങ്കര മുസ് ലിം ഹൈസ്കൂൾ, കാസർകോട് ഗവ.കോളജ് എന്നിവിടങ്ങളിൽ നിന്നും വിദ്യാഭ്യാസം നേടി. കോളജ് പഠനകാലത്ത് കാസർകോട് ഗവ കോളജ് എംഎസ്എഫ് ജനറൽ സെക്രടറിയായിരുന്നു. 1975 ൽ പ്രവാസിയായി. റീഡേഴ്സ് ഫോറത്തിൻ്റെ സ്ഥാപക ജനറൽ സെക്രടറിയായിരുന്നു. ഏറെ കാലം ചന്ദ്രിക ദുബൈ പ്രതിനിധിയായി പ്രവർത്തിച്ചു. 1984 ലാണ് വീണ്ടും നാട്ടിലെത്തി സജീവ രാഷ്ട്രീയത്തിൽ ഇറങ്ങിയത്.
1996 ലും 2006 ലും നിയമസഭയിലേക്ക് മത്സരിച്ചെങ്കിലും 2011 ലായിരുന്നു ആദ്യമായി എം എൽ എ ആയത്. 2011 ൽ ത്രികോണ മത്സരത്തിൽ ബിജെപിയിലെ ലക്ഷ്മി ആർ ഭട്ടിനെതിരെ 9738 വോടിൻ്റെ ഭൂരിപക്ഷത്തിനാണ് വിജയിച്ചത്. 2016ൽ 8,667 വോടിൻ്റെ ഭൂരിപക്ഷത്തോടെ രണ്ടാമതും തെരഞ്ഞെടുക്കപ്പെട്ടു. മൂന്നാം അങ്കത്തിലും വർധിച്ച ഭൂരിപക്ഷത്തോടെ വിജയിക്കാമെന്നാണ് അദ്ദേഹത്തിന്റെ പ്രതീക്ഷ.
വലിയൊരു പേന ശേഖരമുണ്ട് എൻ എ നെല്ലിക്കുന്നിന്. അതിലധികവും പിറന്നാൾ ദിനത്തിൽ ലഭിച്ചതാണ്. കക്ഷി രാഷ്ട്രീയ ഭേദമന്യേ നിരവധി പേർ എൻ എ യ്ക്ക് ജന്മദിന ആശംസകൾ അറിയിച്ചു. എതിർ സ്ഥാനാർഥികളായ കെ ശ്രീകാന്തും, എം എ ലത്വീഫും അതിൽ ഉൾപെടും. രാഷ്ട്രീയ അഭിപ്രായ വ്യത്യാസങ്ങൾ മാത്രമാണ് തമ്മിലുള്ളതെന്നാണ് കെ ശ്രീകാന്ത് പറഞ്ഞത്. എന്നത്തേയും പോലെ ജന്മദിനത്തിലും ജനങ്ങളുടെ തിരക്കിലമർന്ന് അദ്ദേഹം യാത്ര തുടരുന്നു.
Keywords: Kerala, News, Kasaragod, Top-Headlines, Political party, Politics, Election, Niyamasabha-Election-2021, Nellikunnu, UDF, NA Nellikunnu on birthday; Busy with the campaign without celebrations as usual.
< !- START disable copy paste -->
കാസർകോട് വാർത്തയുടെ ഫെയ്‌സ്‌ബുക്ക് പേജിലൂടെ വാർത്തകളോട് നിങ്ങൾക്കും
പ്രതികരിക്കാം. ആരോഗ്യകരമായ ചർച്ചകളെ ഞങ്ങൾ എപ്പോഴും സ്വാഗതം ചെയ്യുന്നു. എന്നാൽ
അസഭ്യം, അശ്ലീലം, മതവിദ്വേഷം എന്നിവ അടങ്ങിയ കമന്റുകൾ ഐടി ആക്ട് പ്രകാരം
കുറ്റകരമാണ്. നിയമനടപടികൾ സ്വീകരിച്ചെന്നുവരാം.
