Protest | രാഹുല്‍ ഗാന്ധിക്ക് ഐക്യദാര്‍ഢ്യവുമായി കാസര്‍കോട് നഗരത്തില്‍ പാതിരാത്രിയില്‍ മുസ്ലിം യൂത് ലീഗിന്റെ പടുകൂറ്റന്‍ പ്രകടനം

കാസര്‍കോട്: (www.kasargodvartha.com) കേന്ദ്ര സര്‍കാരിനെതിരെ ശബ്ദിക്കുന്നവരെ നിശബ്ദമാക്കാന്‍ ഫാസിസ്റ്റ് നിലപാടുകള്‍ കൈകൊള്ളുന്നതായി ആരോപിച്ചും രാഹുല്‍ ഗാന്ധിക്ക് ഐക്യദാര്‍ഢ്യം പ്രഖ്യാപിച്ചും കാസര്‍കോട് നഗരത്തില്‍ പാതിരാത്രിയില്‍ മുസ്ലിം യൂത് ലീഗിന്റെ പടുകൂറ്റന്‍ പ്രകടനം. യൂത് ലീഗ് കാസര്‍കോട് ജില്ല കമിറ്റിയുടെ നേതൃത്യത്തില്‍ സംഘടിപ്പിച്ച പ്രതിഷേധ ജ്വാല പുതിയ ബസ് സ്റ്റാന്‍ഡ് പരിസരത്ത് നിന്നും ആരംഭിച്ച് നഗരം ചുറ്റി ഹെഡ് പോസ്റ്റാഫീസ് പരിസരത്ത് സമാപിച്ചു. ജാഥയില്‍ തീ പന്തവുമേന്തി നിരവധി പ്രവര്‍ത്തകര്‍ പങ്കെടുത്തു.