Victory | മുസ്ലിം ലീഗിൻ്റേത് പത്തരമാറ്റ് വിജയം; വികസന വിരുദ്ധർക്കും പ്രതിലോമ ശക്തികൾക്കും കനത്ത തിരിച്ചടിയാണെന്ന് എ അബ്ദുർ റഹ് മാൻ

കാസർകോട്: (KasaragodVartha) നഗരസഭയിലെയും മൊഗ്രാൽപുത്തൂർ ഗ്രാമപഞ്ചായത്തിലെയും ഉപതിരഞ്ഞെടുപ്പിൽ മുസ്ലിം ലീഗ് നയിച്ച യുഡിഎഫ് മുന്നണിക്ക് പത്തരമാറ്റ് വിജയം നേടാനായാത് വികസന വിരുദ്ധർക്കും പ്രതിലോമ ശക്തികൾക്കും കനത്ത തിരിച്ചടിയാണെന്ന് മുസ്ലിം ലീഗ് ജില്ലാ ജനറൽ സെക്രട്ടറി എ അബ്ദുർ റഹ് മാൻ പറഞ്ഞു.

2020-ലെ തദ്ദേശ തെരഞ്ഞെടുപ്പിൽ യുഡിഎഫ് വിജയിച്ച രണ്ട് വാർഡുകളിൽ ഭൂരിപക്ഷം വർധിപ്പിക്കുകയും ഒരു പുതിയ വാർഡ് പിടിച്ചെടുക്കുകയും ചെയ്തതോടെ യുഡിഎഫ് കോട്ട കൂടുതൽ ശക്തമായിരിക്കുകയാണ്. ബിജെപിയുടെ വർഗീയതക്കും സിപിഎമ്മിന്റെ ജനദ്രോഹ നയങ്ങൾക്കും ജനങ്ങൾ തക്കതായ മറുപടി നൽകിയെന്നും അദ്ദേഹം കൂട്ടിച്ചേർത്തു.

ജില്ലയിൽ മുസ്ലിം ലീഗിനും യുഡിഎഫിനും ജനങ്ങൾ നൽകിയ അംഗീകാരമാണ് ഈ വിജയമെന്ന് അബ്ദുൽ റഹ്മാൻ വ്യക്തമാക്കി. വോട്ടർമാരുടെ വിശ്വാസം നേടിയതിൽ സന്തോഷമുണ്ടെന്നും അദ്ദേഹം കൂട്ടിച്ചേർത്തു. ഈ വിജയം മുസ്ലിം ലീഗിന് പുതിയ ഉത്തരവാദിത്തങ്ങൾ ഏൽപ്പിക്കുന്നുണ്ട്. ജനങ്ങളുടെ പ്രതീക്ഷകൾക്ക് വേണ്ടി പ്രവർത്തിക്കുക എന്നതാണ് ഇനി അവരുടെ ലക്ഷ്യം.

ഈ ഉപതിരഞ്ഞെടുപ്പ് ഫലം ജില്ലയിലെ രാഷ്ട്രീയത്തിൽ വലിയ മാറ്റങ്ങൾക്ക് തുടക്കം കുറിക്കുമെന്നാണ് വിലയിരുത്തപ്പെടുന്നത്. യുഡിഎഫിന്റെ ഈ വിജയം അടുത്ത തദ്ദേശ തെരഞ്ഞെടുപ്പിലും നിയമസഭ തെരഞ്ഞെടുപ്പിലും ജില്ലയിലെ രാഷ്ട്രീയ ചിത്രത്തെ സ്വാധീനിക്കും.

 #KeralaPolitics #LocalElections #Bypolls #MuslimLeague #UDF #LDF #Kasaragod