മൊഗ്രാലിൽ ബസ് കാത്തിരിപ്പ് കേന്ദ്രം 200 മീറ്റർ അകലെ; പ്രതിഷേധവുമായി നാട്ടുകാർ

മൊഗ്രാൽ: (KasargodVartha) ദേശീയപാത നിർമ്മാണം സർവീസ് റോഡിനെ ദുരിതപാതയാക്കിയതിന് പിന്നാലെ, ബസ് കാത്തിരിപ്പ് കേന്ദ്രത്തിൻ്റെ സ്ഥാനവും മൊഗ്രാൽ നിവാസികൾക്ക് തലവേദനയായി. പഴയ ലീഗ് ഓഫീസിനടുത്തായിരുന്ന ബസ് കാത്തിരിപ്പ് കേന്ദ്രം ഇപ്പോൾ 200 മീറ്റർ അകലെ, നടപ്പാത കയ്യേറിയാണ് സ്ഥാപിച്ചിരിക്കുന്നത്.

മൊഗ്രാൽ കെ.കെ.പുറം, കടവത്ത് നിവാസികൾക്ക് ബസ് കയറാൻ സൗകര്യമുണ്ടായിരുന്ന പഴയ ലീഗ് ഓഫീസ് പരിസരത്ത് സർവീസ് റോഡിനോട് ചേർന്ന് സ്ഥലം ലഭ്യമായിട്ടും, നിർമ്മാണ കമ്പനി അധികൃതർ ബസ് കാത്തിരിപ്പ് കേന്ദ്രം 200 മീറ്റർ ദൂരെ സ്ഥാപിച്ചത് നാട്ടുകാരിൽ പ്രതിഷേധമുയർത്തിയിട്ടുണ്ട്. 

ബസ് ഷെൽട്ടർ സർവീസ് റോഡിനോട് ചേർന്ന് നിൽക്കുന്നതിനാൽ അപകടസാധ്യതയുണ്ടെന്നും നാട്ടുകാർ ചൂണ്ടിക്കാട്ടുന്നു. ലീഗ് ഓഫീസ് പരിസരത്തുനിന്ന് ഈ പുതിയ ബസ് സ്റ്റോപ്പ് കാണാൻ കഴിയുന്നില്ലെന്നും പ്രദേശവാസികൾ പറയുന്നു.

ഇക്കാര്യത്തിൽ പ്രവാസി ലീഗ് നേതാവും മുൻ പഞ്ചായത്ത് അംഗവുമായ സെഡ്.എ. മൊഗ്രാൽ കുമ്പള യു.എൽ.സി.സി. അധികൃതരെ കണ്ട് പരാതി അറിയിച്ചിട്ടുണ്ട്. ബസ് കാത്തിരിപ്പ് കേന്ദ്രം ഉടൻ മാറ്റി സ്ഥാപിക്കാൻ ആവശ്യമായ നടപടി സ്വീകരിക്കണമെന്ന് അദ്ദേഹം ആവശ്യപ്പെട്ടു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Mogral residents protest new bus stop location citing inconvenience and safety.

#Mogral #BusStop #Kasaragod #NationalHighway #PublicProtest #Infrastructure