‘കോൺഗ്രസ് അക്രമം ഭരണപരാജയം മറയ്ക്കാൻ’; തിരിച്ചടിയുണ്ടാകുമെന്ന് എം എൽ അശ്വിനി; കാസർകോട്ട് ബിജെപി പ്രതിഷേധം സംഘടിപ്പിച്ചു

കാസർകോട്: (KasargodVartha) ഉപരാഷ്ട്രപതിക്കും കേന്ദ്ര ആഭ്യന്തരമന്ത്രിക്കും സുരക്ഷ ഉറപ്പാക്കാൻ സാധിക്കാത്ത ആഭ്യന്തര വകുപ്പാണ് കേരളത്തിലേതെന്നും, ബിജെപി നേതാക്കൾക്കും സംസ്ഥാന ആസ്ഥാനത്തിനും നേരെ നടന്നുവരുന്ന അക്രമം ഭരണപരാജയം മറയ്ക്കാനാണെന്നും എം എൽ അശ്വിനി പറഞ്ഞു.

ബിജെപി ദേശീയ നിർവാഹക സമിതി അംഗം പി കെ കൃഷ്ണദാസിനും ബിജെപി സംസ്ഥാന കാര്യാലയമായ മാരാർജി ഭവനും നേരെ നടന്ന അക്രമത്തിൽ പ്രതിഷേധിച്ച് ബിജെപി ജില്ലാ കമ്മിറ്റിയുടെ നേതൃത്വത്തിൽ കാസർകോട് നഗരത്തിൽ നടന്ന പ്രതിഷേധം ഉദ്ഘാടനം ചെയ്യുകയായിരുന്നു അവർ.

വി ഡി സതീശനെതിരെ വിമർശനം

കഴിഞ്ഞ മൂന്ന് മാസത്തിനുള്ളിൽ വി ഡി സതീശൻ പരാജയമാണെന്ന് കേരള ജനത വിലയിരുത്തി കഴിഞ്ഞുവെന്ന് എം എൽ അശ്വിനി ആരോപിച്ചു. ഭരണപരാജയം മറയ്ക്കാനും ദേശീയ തലത്തിൽ കോൺഗ്രസ് നേരിടുന്ന തിരിച്ചടിയിൽ നിന്നും ശ്രദ്ധ തിരിക്കാനുമാണ് യൂത്ത് കോൺഗ്രസിൻ്റെ പേരിൽ സംസ്ഥാനത്ത് അക്രമം അഴിച്ചുവിടുന്നതെന്നും അവർ പറഞ്ഞു. അക്രമം അവസാനിപ്പിക്കാൻ തയാറാകാത്ത പക്ഷം തിരിച്ചടി ഉണ്ടാകുമെന്നും എം എൽ അശ്വിനി മുന്നറിയിപ്പ് നൽകി.

പ്രതിഷേധത്തിൽ പങ്കെടുത്തവർ

ബിജെപി ജില്ലാ കമ്മിറ്റിയുടെ നേതൃത്വത്തിൽ നഗരത്തിൽ നടന്ന പ്രതിഷേധ പരിപാടിയിൽ ബിജെപി സംസ്ഥാന കമ്മിറ്റി അംഗങ്ങളായ വി രവീന്ദ്രൻ, സതീഷ് ചന്ദ്ര ഭണ്ഡാരി, ജില്ലാ ജനറൽ സെക്രട്ടറി പി ആർ സുനിൽ, ജില്ലാ വൈസ് പ്രസിഡൻ്റ് പി രമേശ്, ജില്ലാ സെക്രട്ടറിമാരായ പുഷ്പ ഗോപാലൻ, പ്രമീള മജൽ, സഞ്ജീവ പുളിക്കൂർ, ജില്ലാ ട്രഷറർ വീണ അരുൺ ഷെട്ടി, എസ്സി മോർച്ച സംസ്ഥാന വൈസ് പ്രസിഡൻ്റ് എ കെ കയ്യാർ, മറ്റ് ജനപ്രതിനിധികൾ എന്നിവർ പങ്കെടുത്തു.

കൂടുതല്‍ വാർത്തകളും വിശേഷങ്ങളും അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് കമൻ്റായി രേഖപ്പെടുത്തുക. 

Article Summary: Congress violence is to hide administrative failure, says M L Ashwini.

#KasaragodNews #BJPKerala #MLAshwini #Congress #KeralaPolitics #MalayalamPoliticalNews #RenuNews