ബിജെപി നേതാക്കളുടെ അഴിമതി: വിജിലന്സ് അന്വേഷിക്കണമെന്ന് ആം ആദ്മി
Jul 20, 2017, 19:39 IST
തിരുവനന്തപുരം: (www.kasargodvartha.com 20.07.2017) മെഡിക്കല് കോളജിന്റെ അംഗീകാരത്തിന് വേണ്ടി അഞ്ച് കോടി രൂപ കോഴ വാങ്ങിയ സംഭവത്തില് ബിജെപി നേതാക്കള്ക്കെതിരെ വിജിലന്സ് അന്വേഷണം നടത്തണമെന്ന് ആം ആദ്മി. താന് ബിജെപിയിലെ സമുന്നത നേതാവിന് 5 കോടി 60 ലക്ഷം രൂപ കൊടുത്തു എന്ന് മെഡിക്കല് കോളജ് ഉടമ തന്നെ വ്യക്തമാക്കിയ സ്ഥിതിക്ക് എത്രയും പെട്ടെന്ന് അന്വേഷണം നടത്തി കുറ്റക്കാരെ ശിക്ഷിക്കാന് പിണറായി സര്ക്കാര് തയ്യാറാകണമെന്നും അവര് ആവശ്യപ്പെട്ടു.
അഴിമതി പണം ഒഴുകിയത് സംസ്ഥാന നേതാവായ എം ടി രമേശിലൂടെയാണ് എന്ന് കണ്ടെത്തിയിട്ടുണ്ടെന്നും അഴിമതിക്കെതിരെ കുരിശുയുദ്ധം പ്രഖ്യാപിച്ച് കള്ളപ്പണം കണ്ടുകെട്ടും എന്ന് വീമ്പടിച്ച് നോട്ട് പിന്വലിച്ചു കൊണ്ട് ഇന്ത്യക്കാരെ മുഴുവന് ദുരിതത്തിലാഴ്ത്തിയ നരേന്ദ്ര മോദിയുടെ ബി.ജെ.പി സര്ക്കാര് തുറന്ന് കാട്ടപ്പെട്ടിരിക്കുന്നുവെന്നും നേതാക്കള് പ്രസ്താവനയില് പറഞ്ഞു.
ഭരണം ഇല്ലാതിരുന്നിട്ടും കേരളത്തില് അഞ്ച് കോടി അറുപത് ലക്ഷം രൂപയുടെ അഴിമതി ഒരു മെഡിക്കല് കോളജിന്റെ അംഗീകാരത്തിന് വേണ്ടി നടത്തി എന്ന വിവരം പുറത്ത് വന്നതോടുകൂടി ബിജെപിയുടെ അഴിമതി വിരുദ്ധ മുഖമൂടി അഴിഞ്ഞു വീണിരിക്കുന്നു. ഇത്തരത്തില് എത്ര അധികം അഴിമതികള് കേരളത്തില് നടന്നിട്ടുണ്ട് എന്ന് ഇനിയും തെളിയിക്കപ്പെടേണ്ടതുണ്ട്.
പാര്ട്ടി നേതാക്കള് നടത്തുന്ന അഴിമതി പാര്ട്ടിക്കകത്ത് മാത്രം അന്വേഷിച്ച് തീര്പ്പാക്കേണ്ടതാണെന്ന രീതി ഒരിക്കലും അംഗീകരിക്കാനാവില്ല. സിപിഎം പോലുള്ള പാര്ട്ടികള് പലപ്പോഴും അത്തരം നിലപാടാണ് എടുത്തത് എന്നതും ഇവിടെ ഓര്ക്കേണ്ടതുണ്ട്. പി ശശിയുടെ കാര്യത്തിലും ഏറ്റവും ഒടുവില് എം എം മണിയുടെ കാര്യത്തിലും പൊതു സമൂഹത്തോട് ചെയ്ത അനീതിക്ക് പാര്ട്ടി തലത്തില് ശാസനയോ നടപടിയോ എടുത്തു എന്നത് കൊണ്ട് കാര്യം അവസാനിക്കുന്നില്ല. ടിപി ചന്ദ്രശേഖരന് വധക്കേസില് ഇടപെട്ട ആളുകളെ അത്തരത്തില് കേവലം പാര്ട്ടി നടപടിയില് ഒതുക്കാനാണ് സിപിഎം ശ്രമിച്ചത്. ഈ സാഹചര്യത്തില് അതേ വാദം ഉന്നയിക്കുകയാണ് ബിജെപി എന്നോര്ക്കുക.
അഴിമതി സമൂഹത്തോട് ചെയ്യുന്ന അപരാധമാണ്. അതിന് ഇന്ത്യന് ശിക്ഷ നിയമം പ്രകാരവും അഴിമതി നിരോധനനിയമ പ്രകാരവും രാഷ്ട്രിയ നേതാക്കള് ശിക്ഷിക്കപ്പെടണം. ഇക്കാര്യത്തില് ഇടത് സര്ക്കാര് ആര്ജവം കാണിക്കും എന്ന് പ്രതീക്ഷിക്കുന്നുവെന്നും അല്ലാത്തപക്ഷം ശക്തമായ സമരത്തിന് ആം ആദ്മി പാര്ട്ടി തയ്യാറാകുമെന്നും നേതാക്കള് മുന്നറിയിപ്പ് നല്കി.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം
)
Keywords: Kerala, Thiruvananthapuram, Top-Headlines, news, Politics, BJP, Bribe, Medical College, Corruption, Medical bribery allegation: AAP against BJP.
അഴിമതി പണം ഒഴുകിയത് സംസ്ഥാന നേതാവായ എം ടി രമേശിലൂടെയാണ് എന്ന് കണ്ടെത്തിയിട്ടുണ്ടെന്നും അഴിമതിക്കെതിരെ കുരിശുയുദ്ധം പ്രഖ്യാപിച്ച് കള്ളപ്പണം കണ്ടുകെട്ടും എന്ന് വീമ്പടിച്ച് നോട്ട് പിന്വലിച്ചു കൊണ്ട് ഇന്ത്യക്കാരെ മുഴുവന് ദുരിതത്തിലാഴ്ത്തിയ നരേന്ദ്ര മോദിയുടെ ബി.ജെ.പി സര്ക്കാര് തുറന്ന് കാട്ടപ്പെട്ടിരിക്കുന്നുവെന്നും നേതാക്കള് പ്രസ്താവനയില് പറഞ്ഞു.
ഭരണം ഇല്ലാതിരുന്നിട്ടും കേരളത്തില് അഞ്ച് കോടി അറുപത് ലക്ഷം രൂപയുടെ അഴിമതി ഒരു മെഡിക്കല് കോളജിന്റെ അംഗീകാരത്തിന് വേണ്ടി നടത്തി എന്ന വിവരം പുറത്ത് വന്നതോടുകൂടി ബിജെപിയുടെ അഴിമതി വിരുദ്ധ മുഖമൂടി അഴിഞ്ഞു വീണിരിക്കുന്നു. ഇത്തരത്തില് എത്ര അധികം അഴിമതികള് കേരളത്തില് നടന്നിട്ടുണ്ട് എന്ന് ഇനിയും തെളിയിക്കപ്പെടേണ്ടതുണ്ട്.
പാര്ട്ടി നേതാക്കള് നടത്തുന്ന അഴിമതി പാര്ട്ടിക്കകത്ത് മാത്രം അന്വേഷിച്ച് തീര്പ്പാക്കേണ്ടതാണെന്ന രീതി ഒരിക്കലും അംഗീകരിക്കാനാവില്ല. സിപിഎം പോലുള്ള പാര്ട്ടികള് പലപ്പോഴും അത്തരം നിലപാടാണ് എടുത്തത് എന്നതും ഇവിടെ ഓര്ക്കേണ്ടതുണ്ട്. പി ശശിയുടെ കാര്യത്തിലും ഏറ്റവും ഒടുവില് എം എം മണിയുടെ കാര്യത്തിലും പൊതു സമൂഹത്തോട് ചെയ്ത അനീതിക്ക് പാര്ട്ടി തലത്തില് ശാസനയോ നടപടിയോ എടുത്തു എന്നത് കൊണ്ട് കാര്യം അവസാനിക്കുന്നില്ല. ടിപി ചന്ദ്രശേഖരന് വധക്കേസില് ഇടപെട്ട ആളുകളെ അത്തരത്തില് കേവലം പാര്ട്ടി നടപടിയില് ഒതുക്കാനാണ് സിപിഎം ശ്രമിച്ചത്. ഈ സാഹചര്യത്തില് അതേ വാദം ഉന്നയിക്കുകയാണ് ബിജെപി എന്നോര്ക്കുക.
അഴിമതി സമൂഹത്തോട് ചെയ്യുന്ന അപരാധമാണ്. അതിന് ഇന്ത്യന് ശിക്ഷ നിയമം പ്രകാരവും അഴിമതി നിരോധനനിയമ പ്രകാരവും രാഷ്ട്രിയ നേതാക്കള് ശിക്ഷിക്കപ്പെടണം. ഇക്കാര്യത്തില് ഇടത് സര്ക്കാര് ആര്ജവം കാണിക്കും എന്ന് പ്രതീക്ഷിക്കുന്നുവെന്നും അല്ലാത്തപക്ഷം ശക്തമായ സമരത്തിന് ആം ആദ്മി പാര്ട്ടി തയ്യാറാകുമെന്നും നേതാക്കള് മുന്നറിയിപ്പ് നല്കി.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം
Keywords: Kerala, Thiruvananthapuram, Top-Headlines, news, Politics, BJP, Bribe, Medical College, Corruption, Medical bribery allegation: AAP against BJP.
