മഞ്ചേശ്വരത്തെ യു ഡി എഫ് സ്ഥാനാർഥി എ കെ എം അശ്റഫ് നാമനിർദേശ പത്രിക സമർപിച്ചു
Mar 18, 2021, 13:56 IST
കാസർകോട്: (www.kasargodvartha.com 18.03.2021) മഞ്ചേശ്വരം മണ്ഡലം യു ഡി എഫ് സ്ഥാനാർഥി എ കെ എം അശ്റഫ് നാമനിർദേശ പത്രിക സമർപിച്ചു. മഞ്ചേശ്വരം ബ്ലോക് പഞ്ചായത്ത് ഓഫീസിൽ വരണാധികാരി മുമ്പാകെയാണ് പത്രിക സമർപിച്ചത്. പ്രകടനമായാണ് പത്രിക സമർപണത്തിന് എത്തിയത്. രാജ്മോഹൻ ഉണ്ണിത്താൻ എം പി, എം സി ഖമറുദ്ദീൻ, ടി ഇ അബ്ദുല്ല, കല്ലട്ര മാഹിൻ ഹാജി തുടങ്ങിയ യു ഡി എഫ് നേതാക്കൾ സംബന്ധിച്ചു.
ബി ജെ പി സ്ഥാനാർഥിയായി സംസ്ഥാന പ്രസിഡന്റ് കെ സുരേന്ദ്രനും എൽ ഡി എഫ് സ്ഥാനാർഥിയായി കാഞ്ഞങ്ങാട് നഗരസഭ മുൻ ചെയർമാൻ വി വി രമേശനുമാണ് അശ്റഫിന്റെ എതിരാളികൾ.
ശക്തമായ ത്രികോണ മത്സരം നടക്കുന്ന മഞ്ചേശ്വരത്ത് 2006 ൽ ഒഴികെ യു ഡി എഫ് തന്നെയാണ് സ്ഥിരമായി ജയിച്ച് വരുന്നത്. 2016 ലെ തെരെഞ്ഞെടുപ്പിൽ 89 വോടിന്റെ ചെറിയ ഭൂരിപക്ഷത്തിലാണ് മുസ്ലിം ലീഗിലെ പി ബി അബ്ദുൽ റസാഖ് ജയിച്ചതെങ്കിൽ 2019 ലെ ഉപതിരഞ്ഞെടുപ്പിൽ മികച്ച വിജയം നേടാൻ യു ഡി എഫിനായി. മണ്ഡലത്തിൽ നിന്ന് തന്നെയുള്ള സ്ഥാനാർഥി എന്ന നിലയിൽ ഇത്തവണ ഭൂരിപക്ഷം വർധിപ്പിച്ച് വിജയം തുടരാനാവുമെന്നാണ് യു ഡി എഫ് പ്രതീക്ഷ.
Keywords: Kasaragod, A.K.M Ashraf Kerala, News, Manjeshwaram, Politics, UDF, Muslim-league, Top-Headlines, Manjeswaram UDF candidate A.K.M Ashraf files nomination papers.
< !- START disable copy paste -->
