മഞ്ചേശ്വരം തെരെഞ്ഞടുപ്പ് കോഴക്കേസ്; ബിജെപി തെരഞ്ഞെടുപ്പ് കമിറ്റി ഓഫീസിന് പിന്നാലെ കെ സുന്ദരയെ കാസർകോട്ടെ ഹോടെലിലെത്തിച്ചും തെളിവെടുപ്പ് നടത്തി

ശനിയാഴ്‌ച രാവിലെ തുടങ്ങിയ തെളിവെടുപ്പ്‌ മൂന്ന്‌ മണിക്കൂറോളം നീണ്ടു. കെ സുരേന്ദ്രനും കർണാടകയിലെ അടക്കമുള്ള ബിജെപി നേതാക്കളും ഇവിടെ തെരഞ്ഞെടുപ്പ് പ്രചാരണവുമായി ബന്ധപ്പെട്ട് പതിവായി എത്തിയിരുന്നു. കെ സുരേന്ദ്രൻ ഹെലികോപ്റ്ററിൽ വന്ന് ഇറങ്ങാറുണ്ടായിരുന്ന ഗ്രൗൻഡും ഇതിനടുത്താണ്. ഇരുനില കെട്ടിടത്തിൽ മുകളിൽ ഓഫീസും താഴെ ഭക്ഷണത്തിനുള്ള സൗകര്യവുമാണ് ഒരുക്കിയിരുന്നത്. ഈ കെട്ടിടത്തിന് ബിജെപി പ്രവർത്തകർ കാവൽ ഉണ്ടായിരുന്നതായാണ് റിപോർടുകൾ.

കേസുമായി ബന്ധപ്പെട്ട് സുന്ദരയുടെ രഹസ്യമൊഴി കോടതി രേഖപ്പെടുത്തിയിട്ടുണ്ട്.

കേസന്വേഷണം പുരോഗമിക്കുകയാണന്ന് ക്രൈംബ്രാഞ്ച് വ്യക്തമാക്കി. ക്രൈംബ്രാഞ്ച് ഡി വൈ എസ് പി സതീഷ് കുമാറിന്റെ നേതൃത്വത്തിലാണ് തെരെഞ്ഞെടുപ്പ് കോഴക്കേസ് അന്വേഷിക്കുന്നത്.


അപരനായ കെ സുന്ദരയെ തെരെഞ്ഞടുപ്പ് രംഗത്ത് നിന്നും പിൻവലിപ്പിക്കാൻ രണ്ട് ലക്ഷം രൂപയും മൊബൈൽ ഫോണും കോഴയായി നൽകിയെന്നാണ് പരാതി. സുരേന്ദ്രന്റെ എതിർ സ്ഥാനാർഥിയായി മത്സരിച്ച വി വി രമേശനാണ് സംഭവത്തിൽ പരാതി നൽകിയത്.