2006 ആവർത്തിക്കണമെന്ന ആഹ്വാനവുമായി ഇടത് മുന്നണി മഞ്ചേശ്വരം മണ്ഡലം കൺവെൻഷൻ; മന്ത്രി ഇ ചന്ദ്രശേഖരൻ ഉദ്‌ഘാടനം ചെയ്തു

കുമ്പള: (www.kasargodvartha.com 12.03.2021) വിവി രമേശന്റെ വിജയത്തിനായി 2006 ആവർത്തിക്കണമെന്ന ആഹ്വാനവുമായി ഇടത് മുന്നണി മഞ്ചേശ്വരം മണ്ഡലം കൺവെൻഷൻ കുമ്പളയിൽ നടന്നു. നിരവധി പ്രവർത്തകർ പങ്കെടുത്തു. മന്ത്രി ഇ ചന്ദ്രശേഖരൻ ഉദ്‌ഘാടനം ചെയ്തു. ഇതര സംസ്ഥാനങ്ങളിലേത്‌ പോലെ കേരളത്തിലും ജനാധിപത്യം അട്ടിമറിച്ച്‌ അധികാരം കൈയടക്കാമെന്നുള്ള ബിജെപിയുടെ മോഹം നടക്കില്ലെന്ന്‌ മന്ത്രി പറഞ്ഞു.

സിപിഎം ജില്ലാ സെക്രടറിയേറ്റംഗം കെ ആർ ജയാനന്ദ അധ്യക്ഷത വഹിച്ചു. വി വി രമേശൻ, എൽഡിഎഫ്‌ ജില്ലാ കൺവീനർ കെ പി സതീഷ്‌ചന്ദ്രൻ, ടി കൃഷ്‌ണൻ, കെ എസ്‌ ഫഖ്‌റുദ്ദീൻ, സിദ്ദീഖലി മൊഗ്രാൽ, മണ്ഡലം കമിറ്റി സെക്രടറി ഡോ. വി പി പി മുസ്‌തഫ, അഡ്വ. സി ശുകൂർ, എം ശങ്കർറൈ, പി രഘുദേവൻ, സി എ സുബൈർ, ഹമീദ്‌ കോസ്‌മോസ്‌, താജുദീൻ മൊഗ്രാൽ സംസാരിച്ചു. ബി വി രാജൻ സ്വാഗതം പറഞ്ഞു.