രവീശതന്ത്രി കുണ്ടാർ സജീവ രാഷ്ട്രീയം ഉപേക്ഷിക്കുന്നു; കാസർകോട്ടെ പാർട്ടിയുടെ നിലപാടുകളുമായി ഒത്തു പോകാൻ കഴിയില്ലെന്ന് നേതൃത്വത്തെ അറിയിച്ചു

കാസര്‍കോട്: (www.kasargodvartha.com 23.02.2020) ബി ജെ പി നേതാവ് കുണ്ടാർ രവീശതന്ത്രി  സജീവ രാഷ്ട്രീയം ഉപേക്ഷിക്കുന്നു. ജില്ലയിൽ പാർട്ടിയുടെ നിലപാടുകളുമായി ഒത്തു പോകാൻ കഴിയില്ലെന്ന് വ്യക്തമാക്കി കൊണ്ടാണ് അദ്ദേഹം സജീവ രാഷ്ട്രീയത്തിൽ നിന്നും വിട്ടുനിൽക്കാനുള്ള തീരുമാനം ബി ജെ പി - ആർ എസ് എസ് നേതൃത്വത്തെ അറിയിച്ചിരിക്കുന്നത്. കഴിഞ്ഞ ലോകസഭാ തെരെഞ്ഞടുപ്പിലും മഞ്ചേശ്വരം ഉപതെരെഞ്ഞടുപ്പിലും മത്സരിച്ച രവീശതന്ത്രി കഴിഞ്ഞ നിയമസഭാ തെരെഞ്ഞടുപ്പിൽ കാസർകോട് നിയമസഭാ മണ്ഡലത്തിലും മത്സരിച്ചിരുന്നു.



ബി ജെ പി ജില്ലാ പ്രസിഡണ്ടായി അഡ്വ. കെ ശ്രീകാന്തിനെ വീണ്ടും നിയമിച്ചതിനെ തുടർന്നാണ് നിലവിൽ ബി ജെ പി സംസ്ഥാന സമിതി അംഗം കൂടിയായ രവീശതന്ത്രി സജീവ രാഷ്ട്രീയത്തിൽ നിന്നും വിട്ടു നിൽക്കാനുള്ള തീരുമാനം എടുത്തിരിക്കുന്നത്.