മഞ്ചേശ്വരത്തെ എൽഡിഎഫ് സ്ഥാനാർഥി ബിജെപിയുടെ പാലമായി പ്രവർത്തിക്കുകയാണെന്ന ഗുരുതരമായ ആരോപണവുമായി കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ

കാസർകോട്: (www.kasargodvartha.com 30.03.2021) കഴിഞ്ഞ തദ്ദേശ തെരെഞ്ഞടുപ്പിൽ, കാഞ്ഞങ്ങാട് നരസഭയിൽ ബിജെപിയോടും, ആർഎസ്എസിനോടും ചങ്ങാത്തത്തിൽ പ്രവർത്തിച്ച മുൻ നഗരസഭാ ചെയർമാൻ വി വി രമേശൻ മഞ്ചേശ്വരത്ത് സ്ഥാനാർഥിയായി സിപിഎം-ബിജെപി ബന്ധത്തെ കൂട്ടിയിണക്കുന്ന പാലമായി പ്രവർത്തിക്കുകയാണെന്ന ഗുരുതര ആരോപണവുമായി കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ.

കാസർകോട് ഡിസിസി ഓഫീസിൽ വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. മഞ്ചേശ്വരത്ത് ദുർബലനായ സ്ഥാനാർഥിയെ നിർത്തിയത് തന്നെ ബിജെപിയെ സഹായിക്കാനാണ്.

കോൺഗ്രസാണ് എല്ലാ കാലത്തും ആർഎസ്എസിനെയും ബിജെപിയെയും ചെറുത്തു വന്നിരുന്നത്. ആർഎസ്എസിൻ്റെ ആദ്യ രൂപമായ ഹിന്ദുമഹാസഭ, പിന്നീടുണ്ടായ ജനസംഘം, അതിന് ശേഷം വന്ന ആർഎസ്എസ് എന്നിവയുമായെല്ലാം ബന്ധപ്പെട്ട് പ്രവർത്തിച്ചത് സിപിഎം ആണ്.