കാസർകോടുനിന്നും കെ നീലകണ്ഠനും ഹക്കീം കുന്നിലും കെപിസിസി ജനറൽ സെക്രട്ടറിമാർ

കാസർകോട്: (KasargodVartha) രണ്ട് ദിവസത്തിനകം പുറത്തിറങ്ങുന്ന കെപിസിസി ഭാരവാഹി പട്ടികയിൽ കാസർകോട് നിന്നും നിലവിലെ കെപിസിസി സെക്രട്ടറിയായ കെ. നീലകണ്ഠനും മുൻ ഡിസിസി പ്രസിഡന്റ് ഹക്കീം കുന്നിലും കെപിസിസി ജനറൽ സെക്രട്ടറിമാരാകും.

നിലവിലുള്ള ഭാരവാഹികളിൽ പകുതി പേരെയെങ്കിലും ഒഴിവാക്കി 23 പുതുമുഖങ്ങളെയാണ് കെപിസിസി തയ്യാറാക്കിയ പട്ടികയിൽ ഉൾപ്പെടുത്തിയിട്ടുള്ളത്. പ്രവർത്തനം വിലയിരുത്തിയ ദീപാദാസ് മുൻഷിയാണ് കാര്യക്ഷമമായി പ്രവർത്തിക്കാത്തവരെ ഒഴിവാക്കിക്കൊണ്ട് ഭാരവാഹി പട്ടിക ഹൈക്കമാൻഡിന് കൈമാറിയിരിക്കുന്നത്.

തദ്ദേശ തിരഞ്ഞെടുപ്പ് പടിവാതിൽക്കൽ എത്തിനിൽക്കെ കെപിസിസി പ്രസിഡന്റ് സണ്ണി ജോസഫിനൊപ്പം പ്രവർത്തിക്കേണ്ട പുതിയ ടീമിലെ ഭാരവാഹികളെ ഉടൻ പ്രഖ്യാപിക്കും.

9 വൈസ് പ്രസിഡന്റുമാർ, 48 ജനറൽ സെക്രട്ടറിമാർ, ട്രഷറർ എന്നിവരടങ്ങുന്നതാണ് പട്ടിക. സംസ്ഥാന നേതൃത്വം നൽകിയ പട്ടികയിൽ നൽകിയിട്ടുള്ള അത്രയും പേരെ കോൺഗ്രസ് ഹൈക്കമാൻഡ് അംഗീകരിക്കാൻ സാധ്യതയില്ലെന്നും സൂചനകൾ പുറത്തുവരുന്നുണ്ട്. 

അന്തിമ പട്ടിക പുറത്തിറക്കുമ്പോൾ എണ്ണം കൂടാനോ കുറയാനോ സാധ്യതയുണ്ടെന്നും നേതാക്കൾ പറയുന്നു. വൈസ് പ്രസിഡന്റുമാരുടെ എണ്ണം പത്തിൽ കൂടാനും സാധ്യതയുണ്ടെന്നാണ് വിവരം.

കെപിസിസി ഭാരവാഹി പട്ടികയെക്കുറിച്ചുള്ള ഏറ്റവും പുതിയ വാർത്തയാണിത്. ഈ വിവരം നിങ്ങളുടെ സുഹൃത്തുക്കളിലേക്ക് എത്തിക്കൂ. പുതിയ ഭാരവാഹികളെക്കുറിച്ചുള്ള നിങ്ങളുടെ അഭിപ്രായം കമൻ്റ് ചെയ്യൂ. 

Article Summary: KPCC office-bearers list to be announced in two days; K. Neelakandan and Hakeem Kunnil are set to be General Secretaries from Kasaragod.

#KPCC #KeralaPolitics #Congress #OfficeBearers #Kasargod #KeralaNews