തദ്ദേശ തിരഞ്ഞെടുപ്പ് ആദ്യഫലങ്ങൾ പുറത്ത്; കാസർകോട് ഒപ്പത്തിനൊപ്പം പോരാട്ടം

കാസർകോട്: (KasargodVartha) കേരളം ആകാംക്ഷയുടെ മുൾമുനയിൽ കാത്തിരുന്ന തദ്ദേശ സ്വയംഭരണ തിരഞ്ഞെടുപ്പ് വോട്ടെണ്ണലിൻ്റെ ആദ്യഫലങ്ങൾ പുറത്തുവന്നു തുടങ്ങി. രാവിലെ എട്ടുമണിക്ക് വോട്ടെണ്ണൽ ആരംഭിച്ചതോടെ ഉടൻ തന്നെ ലീഡ് നിലകളിലെ ആദ്യ സൂചനകൾ ലഭ്യമായി. ആദ്യറൗണ്ടിൽ തന്നെ കാസർകോട് ജില്ലയിൽ LDF ഉം UDF ഉം തമ്മിൽ ഇഞ്ചോടിഞ്ച് പോരാട്ടമാണ് നടക്കുന്നത്.

ഗ്രാമപഞ്ചായത്തുകളിലെ ലീഡ് നിലകളാണ് ആദ്യമായി പുറത്തുവന്നത്. മടിക്കൈ ഗ്രാമപഞ്ചായത്തിൽ ഒരു സീറ്റിൽ LDF മുന്നേറ്റം ഉണ്ടാക്കിയപ്പോൾ ബേഡഡുക്ക പഞ്ചായത്തിലും LDF തന്നെയാണ് ഒരു സീറ്റിൽ ലീഡ് ചെയ്യുന്നത്. എന്നാൽ മംഗൽപാടി പഞ്ചായത്തിൽ ഒരു സീറ്റിൽ UDF ലീഡ് നേടി ആദ്യഘട്ടത്തിൽ മുന്നിൽ നിൽക്കുന്നു. ബെള്ളൂർ പഞ്ചായത്തിൽ രണ്ട് സീറ്റിൽ എൻഡിഎ ലീഡ് ചെയ്യുന്നു

അതേസമയം, ചില നിർണ്ണായക പഞ്ചായത്തുകളിൽ ഒപ്പത്തിനൊപ്പം പോരാട്ടം തുടരുകയാണ്. ഈസ്റ്റ് എളേരി പഞ്ചായത്തിൽ ഇരുമുന്നണികളും (LDF, UDF) തുല്യനിലയിലാണ് നിൽക്കുന്നത്. മുളിയാർ പഞ്ചായത്തിലും മത്സരം കനത്തതാണ്; ഇവിടെ ഒരു സീറ്റിൽ UDF ലീഡ് ചെയ്യുമ്പോൾ, മറ്റൊരു സീറ്റിൽ ഇരുമുന്നണികളും ഒപ്പത്തിനൊപ്പമാണ്.

കാസർകോട് കാഞ്ഞങ്ങാട് മുനിസിപ്പാലിറ്റികളിൽ ഒപ്പത്തിനൊപ്പം. അജാനൂർ ഗ്രാമ പഞ്ചായത്ത് ഒരു സീറ്റിൽ യുഡിഎഫും രണ്ട് സീറ്റിൽ എൽഡിഎഫും ലീഡ് ചെയ്യുന്നു. വെസ്റ്റ് എളേരി ഗ്രാമപഞ്ചായത്ത് രണ്ട് എൽഡിഎഫും ഒന്നിൽ യുഡിഎഫും ലീഡ് ചെയ്യുന്നു. വെസ്റ്റ് എളേരി ഗ്രാമപഞ്ചായത്ത് രണ്ട് എൽഡിഎഫും ഒന്നിൽ യുഡിഎഫും ലീഡ് ചെയ്യുന്നു. കാഞ്ഞങ്ങാട് നഗരസഭയിൽ യു ഡി എഫും എൽഡിഎഫും ഒപ്പത്തിനൊപ്പം.2 വീതം സീറ്റിൽ ലീഡ്. ഫോർട്ട് റോഡിൽ ലീഗിന് അട്ടിമറി ജയം87 വോട്ടിന് വിജയിച്ചു. ലീഗ് വിമതൻ റാഷിദ് പൂരണം തോറ്റു. മുസ്ലീം ലീഗിലെ ജാഫർ വിജയിച്ചു.

നിലവിൽ പുറത്തുവരുന്ന ലീഡ് നിലകൾ ആദ്യറൗണ്ട് വോട്ടെണ്ണലിൻ്റെ സൂചനകൾ മാത്രമാണ്. കനത്ത പോരാട്ടം നടന്ന വാർഡുകളിലെല്ലാം ലീഡ് നിലകൾ മാറിമറിയാനുള്ള സാധ്യതകൾ നിലനിൽക്കുന്നതിനാൽ രാഷ്ട്രീയ പാർട്ടികൾ വലിയ ആകാംക്ഷയോടെയാണ് കൗണ്ടിംഗ് കേന്ദ്രങ്ങളെ ഉറ്റുനോക്കുന്നത്. പൂർണ്ണമായ ചിത്രം ഉടൻ വ്യക്തമാകും.

കേരളത്തിൻ്റെ രാഷ്ട്രീയ ചിത്രം മാറുന്നതിൻ്റെ ആദ്യ സൂചനകളോ? ഈ വാർത്ത ഷെയർ ചെയ്യുക.

Article Summary: Local Body Election first results are out; LDF and UDF are neck and neck in Kasaragod district, with NDA leading in two seats in Bellur Panchayat.

#KeralaElection #LocalBodyPolls #KasaragodResult #LDFvsUDF #NDAgains #ElectionLive