മുഖ്യമന്ത്രി പ്രഖ്യാപനം: കോണ്‍ഗ്രസ് ചാർട്ടേർഡ് വിമാനം 4 മണിക്ക് തിരുവനന്തപുരത്തെത്തും; കെസി വേണുഗോപാൽ ഡെല്‍ഹിയില്‍ തുടരുന്നു

തിരുവനന്തപുരം: (KasargodVartha) കേരള മുഖ്യമന്ത്രിയെ സംബന്ധിച്ച നിർണായക പ്രഖ്യാപനത്തിന് മുന്നോടിയായി എഐസിസി നിരീക്ഷകർ ഉൾപ്പെട്ട ചാർട്ടേർഡ് വിമാനം വൈകീട്ട് നാല് മണിക്ക് തിരുവനന്തപുരത്തെത്തും. വ്യാഴാഴ്ച, 2026 മെയ് 14-ന് ഉച്ചയ്ക്ക് ഒരുമണിക്കാണ് ഡെല്‍ഹിയിൽ നിന്ന് വിമാനം പുറപ്പെടുന്നത്. നിരീക്ഷകരായ സൂര്യകാന്ത്, അജയ് മാക്കൻ, ദീപ ദാസ് മുൻഷി, മുകുൾ വാസ്നിക്ക് എന്നിവരാണ് വിമാനത്തിലുള്ളത്.

നിരീക്ഷക സംഘം എത്താൻ വൈകുന്നതിനാൽ തിരുവനന്തപുരത്ത് ഉച്ചയ്ക്ക് ഒരുമണിക്ക് നിശ്ചയിച്ചിരുന്ന നിയമസഭാകക്ഷിയോഗം വൈകുമെന്നാണ് വിവരം. എഐസിസി ജനറൽ സെക്രട്ടറി കെസി വേണുഗോപാൽ ഈ സംഘത്തിലില്ല. അദ്ദേഹം ഡെല്‍ഹിയിൽ തന്നെ തുടരുകയാണ്.

സസ്പെൻസ് തുടരുന്നു; മുദ്രവച്ച കവറിൽ തീരുമാനം

മുഖ്യമന്ത്രിയാരെതെന്ന കാര്യത്തിൽ കോൺഗ്രസ് ഹൈക്കമാൻഡ് എടുത്ത തീരുമാനം മുദ്രവച്ച കവറിൽ കൈമാറാനാണ് നീക്കം. ഈ തീരുമാനം നിയമസഭാകക്ഷിയോഗത്തിൽ നിരീക്ഷകർ ഔദ്യോഗികമായി പ്രഖ്യാപിക്കും. വി ഡി സതീശൻ, രമേശ് ചെന്നിത്തല എന്നിവർ യോഗത്തിൽ പങ്കെടുക്കും. മുഖ്യമന്ത്രിയുടെ പേര് സംബന്ധിച്ച സസ്പെൻസ് വ്യാഴാഴ്ച വൈകീട്ടോടെ അവസാനിക്കുമെന്നാണ് പാർട്ടി കേന്ദ്രങ്ങൾ നൽകുന്ന സൂചന.

യുഡിഎഫ് നേതാക്കൾ ഗവർണറെ കാണും

മുഖ്യമന്ത്രി പ്രഖ്യാപനം നടന്നാലുടൻ യുഡിഎഫിലെ നിയമസഭാ കക്ഷിനേതാക്കൾ ഗവർണറെ കണ്ട് സർക്കാർ രൂപീകരണത്തിനുള്ള അവകാശവാദം ഉന്നയിക്കും. കേരളാ കോൺഗ്രസ് ജോസഫ്, ആർഎസ്പി എന്നീ കക്ഷികളുടെ നേതാക്കൾ തിരുവനന്തപുരത്ത് എത്തും. ഘടകകക്ഷികളുടെ പിന്തുണക്കത്ത് ഗവർണർക്ക് കൈമാറാനാണ് നീക്കം.

പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. കേരളത്തിൻ്റെ പുതിയ മുഖ്യമന്ത്രിയായി ആരു വരണമെന്നാണ് താങ്കൾ ആഗ്രഹിക്കുന്നത്? നിങ്ങളുടെ അഭിപ്രായങ്ങൾ ഫേസ്ബുക്ക് പേജില്‍ വാര്‍ത്തയുടെ താഴെ കമന്റായി രേഖപ്പെടുത്തുക.

Article Summary: AICC observers' chartered flight will reach Thiruvananthapuram at 4 PM on May 14 to announce the Kerala Chief Minister. Suspense continues as the decision remains in a sealed cover, and UDF leaders are expected to meet the Governor today.

#KeralaPolitics #ChiefMinister #Congress #UDF #AICC #KeralaNews #Thiruvananthapuram #BreakingNews