Inauguration | കാസർകോട് ജില്ലാ പഞ്ചായത്തിന്റെ പുതിയ ഓഫീസ് കെട്ടിടം മുഖ്യമന്ത്രി പിണറായി വിജയൻ നാടിന് സമർപ്പിച്ചു
● 5.3 കോടി രൂപ ചെലവിലാണ് കെട്ടിടം നിർമ്മിച്ചിരിക്കുന്നത്.
● 14,795 ചതുരശ്ര അടി വിസ്തീർണമുള്ളതാണ് കെട്ടിടം.
● വീഡിയോ കോൺഫറൻസ് ഹാൾ ഉൾപ്പെടെ ആധുനിക സൗകര്യങ്ങളുണ്ട്.
കാസർകോട്: (KasargodVartha) ജില്ലാ പഞ്ചായത്തിന്റെ പുതിയ ഓഫീസ് അനക്‌സ് കെട്ടിടം മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. രജിസ്‌ട്രേഷൻ മന്ത്രി കടന്നപ്പള്ളി രാമചന്ദ്രൻ ചടങ്ങിൽ അധ്യക്ഷത വഹിച്ചു. എംഎൽഎമാരായ എൻഎ നെല്ലിക്കുന്ന്, എം രാജഗോപാലൻ, അഡ്വ. സി എച് കുഞ്ഞമ്പു, ഇ ചന്ദ്രശേഖരൻ, ജില്ലാ കലക്ടർ കെ ഇമ്പശേഖർ തുടങ്ങിയവർ സംബന്ധിച്ചു.
5.3 കോടി രൂപ ചെലവിലാണ് കെട്ടിടം നിർമ്മിച്ചിരിക്കുന്നത്. 14,795 ചതുരശ്ര അടി വിസ്തീർണമുള്ള ഈ മൂന്നുനില കെട്ടിടം 2021-22 വാർഷിക പദ്ധതിയിൽ ഉൾപ്പെടുത്തി പ്രോജക്റ്റ് ഹാബിറ്റാറ്റ് ടെക്നോളജി ഗ്രൂപ്പിന്റെ നേതൃത്വത്തിലാണ് നിർമ്മിച്ചത്.
പുതിയ കെട്ടിടത്തിൽ വീഡിയോ കോൺഫറൻസ് ഹാൾ, 250 പേർക്ക് ഇരിക്കാവുന്ന മൾട്ടി-പർപ്പസ് കോൺഫറൻസ് ഹാൾ, പ്രസിഡന്റ്, വൈസ് പ്രസിഡന്റ്, സ്റ്റാൻഡിംഗ് കമ്മിറ്റി ചെയർപേഴ്സൺമാർക്കുള്ള ഓഫീസുകൾ, ലിഫ്റ്റ്, അഗ്നിശമന സംവിധാനങ്ങൾ, സന്ദർശകർക്കായി ആധുനിക ടോയ്ലറ്റ് സൗകര്യങ്ങൾ എന്നിവ ഒരുക്കിയിട്ടുണ്ട്. കെട്ടിടത്തിന്റെ ഫർണിഷിംഗ് ജോലികൾക്കായി 90.55 ലക്ഷം രൂപ ചെലവഴിച്ച് ആർട്കോ ജോലികൾ പൂർത്തിയാക്കി.
ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.
Kasargod District Panchayat’s new office annex building, inaugurated by CM Pinarayi Vijayan, is a modern facility with conference rooms, offices, and safety features.
#Kasargod #DistrictPanchayat #PinarayiVijayan #NewBuilding #Kerala #GovernmentProjects
Tags
Share this story
