ആരോഗ്യമന്ത്രിയുടെ രാജി ആവശ്യപ്പെട്ട് കാസർകോട്ട് ബിജെപി പ്രവർത്തകരുടെ മാർച്ചിൽ സംഘർഷം; നേതാവിന് പരിക്ക്; ജലപീരങ്കി പ്രയോഗിച്ചു

കാസർകോട്: (KasargodVartha) ആരോഗ്യമന്ത്രിയുടെ രാജി ആവശ്യപ്പെട്ട് കാസർകോട് ജനറൽ ആശുപത്രിയിലേക്ക് ബിജെപി നടത്തിയ മാർച്ചിൽ സംഘർഷമുണ്ടായി. 

സംഘർഷത്തിനിടെ ബിജെപി നേതാവിന് പരിക്കേൽക്കുകയും പ്രവർത്തകരെ പിരിച്ചുവിടാൻ പോലീസ് ജലപീരങ്കി പ്രയോഗിക്കുകയും ചെയ്തു.

ജലപീരങ്കി പ്രയോഗത്തിൽ തെറിച്ചുവീണ മധൂരിലെ ബിജെപി നേതാവ് കെ. മാധവ മാസ്റ്റർക്കാണ് പരിക്കേറ്റത്. അദ്ദേഹത്തെ ഉടൻതന്നെ ആശുപത്രിയിൽ പ്രവേശിപ്പിച്ചു. ജില്ലാ പ്രസിഡൻ്റ് എം.എൽ. അശ്വനി തെറിച്ചുവീണെങ്കിലും അദ്ദേഹത്തിന് പരിക്കുകളില്ല.

പുതിയ ബസ് സ്റ്റാൻഡ് പരിസരത്ത് നിന്ന് ആരംഭിച്ച മാർച്ച് ജനറൽ ആശുപത്രിക്ക് സമീപം എൽ.ഐ.സി. ഓഫീസ് പരിസരത്തുവെച്ചാണ് പോലീസ് തടഞ്ഞത്. പോലീസുമായി നടന്ന ഉന്തും തള്ളിനുമിടയിലാണ് പ്രവർത്തകരെ പിരിച്ചുവിടാൻ ജലപീരങ്കി പ്രയോഗിക്കേണ്ടി വന്നത്.

ബിജെപി മുൻ സംസ്ഥാന സെക്രട്ടറി വി.കെ. സജീവൻ മാർച്ച് ഉദ്ഘാടനം ചെയ്തു. ജില്ലാ പ്രസിഡൻ്റ് എം.എൽ. അശ്വനിയെ കസ്റ്റഡിയിലെടുക്കാനുള്ള വനിതാ പോലീസിൻ്റെ ശ്രമം പ്രവർത്തകർ തടഞ്ഞു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക 

Article Summary: BJP protest in Kasaragod demanding minister's resignation, leader injured.

#Kasaragod #BJPProtest #HealthMinister #KeralaPolitics #PoliceAction #Protest