കെ സുന്ദര ബി ജെ പി ഗ്രാമത്തിൽ നിന്ന് സുരക്ഷിത കോൺഗ്രസ് കേന്ദ്രത്തിൽ

ഭാര്യയും മൂന്ന് മക്കളുമുള്ള സുന്ദര അവരുമായി അകന്ന് മാതാവിനൊപ്പം പട്രെയിലായിരുന്നു താമസം. സ്വന്തം ആവശ്യങ്ങൾക്ക് കർണാടകയിൽ പോയ സുന്ദര കൊടകര കുഴൽപ്പണ ഇടപാട് വിവരങ്ങൾ അറിഞ്ഞതിനെത്തുടർന്ന് താനും ബി ജെ പി നേതാക്കളുമായി നടത്തിയ പണമിടപാട് ബദിയടുക്ക പൊലീസ് സ്റ്റേഷനിൽ അറിയിക്കുകയായിരുന്നു. തുടർന്ന് ഞായറാഴ്ച വൈകുന്നേരം മൂന്നോടെ പൊലീസ് സ്റ്റേഷനിൽ ഹാജരായി മൊഴിനൽകി. കാസർകോട് ഡിവൈ എസ് പി പിപി സദാനന്ദന്റെ നേതൃത്വത്തിൽ ബദിയടുക്ക ഇൻസ്പെക്ടർ കെ സലീം സുന്ദരയുടെ വിശദ മൊഴിയെടുത്തു.

മഞ്ചേശ്വരം എൽ ഡി എഫ് സ്ഥാനാർഥിയായിരുന്ന വി വി രമേശന്റെ പരാതിയനുസരിച്ചാണ് കേസ് രജിസ്റ്റർ ചെയ്തത്. തന്നെ നിർബന്ധിച്ച് പത്രിക പിൻവലിപ്പിച്ചതാണെന്നും പകരമായി പണം കൈപ്പറ്റിയെന്നുമുള്ള സുന്ദരയുടെ മൊഴിപ്രകാരം ജനപ്രാതിനിധ്യ നിയമം117 (ബി,ഇ) വകുപ്പുകൾ അനുസരിച്ച് കോഴ നൽകിയ നേതാക്കൾക്കെതിരെയാണ് കേസ്. മൊഴിയിൽ കെ സുരേന്ദ്രനുമായി ബന്ധപ്പെട്ട പരാമർശങ്ങൾ ഉണ്ട്. രണ്ട് ലക്ഷം രൂപ മാതാവിന്റെ കൈയിലും അരലക്ഷവും 15000 രൂപ വിലയുള്ള ഫോണും തന്നേയും ഏല്പിച്ചുവെന്നാണ് മൊഴി. 15 ലക്ഷം രൂപയും കർണാടകയിൽ വൈൻ ഷാപുമാണ് താൻ ആവശ്യപ്പെട്ടതെന്നും. < !- START disable copy paste -->