തെരഞ്ഞെടുപ്പിന് മണിക്കൂറുകൾ; അതീവ ജാഗ്രത; പണം, മദ്യം വിതരണം നിരീക്ഷിക്കും

അനധികൃതമായി പണം, മദ്യം, ആയുധം, മയക്കുമരുന്ന് തുടങ്ങിയവയുടെ കടത്ത് തടയാൻ അതിർത്തി ചെക് പോസ്റ്റുകളിൽ സ്റ്റാറ്റിക് സർവൈലൻസ് ടീം മുഴുവൻ സമയവും ജാഗ്രത പാലിക്കും. ഇതിനായി ഫ്‌ളൈയിങ് സ്‌ക്വാഡുകളേയും വിന്യസിച്ചിട്ടുണ്ട്. ആളുകൾ കൂട്ടമായി താമസിക്കുന്ന കോളനികളിൽ ഉൾപെടെ മദ്യം, പണം എന്നിവ വിതരണം ചെയ്ത് തെരഞ്ഞെടുപ്പ് അട്ടിമറിക്കുന്ന നീക്കങ്ങൾ കർശനമായി തടയുന്നതിന് ശക്തമായ നിരീക്ഷണം ഏർപ്പെടുത്തും. സംശയകരമായ സാഹചര്യത്തിൽ പ്രലോഭനങ്ങളുമായി കോളനികളിൽ എത്തുന്നവരെ കുറിച്ചുള്ള വിവരങ്ങൾ ശേഖരിച്ച് കൈമാറാനും നടപടി സ്വീകരിക്കും.

പൊലീസ്, എക്സൈസ്, വനം, മോടോർ വെഹികിൾ, വനം വകുപ്പ് തുടങ്ങിയ യൂണിഫോാം വിഭാഗങ്ങളെയും അതിർത്തികളിൽ കർശന പരിശോധനയ്ക്കായി നിയോഗിച്ചു. സുതാര്യവും നിർഭയവും സ്വതതന്ത്രവുമായ തെരഞ്ഞെടുപ്പ് ഉറപ്പ് വരുത്താൻ എല്ലാവരും ജാഗ്രത പാലിക്കണമെന്ന് കലക്ടർ, നിരീക്ഷകർ നിർദേശിച്ചു. യോഗത്തിൽ എക്സ്പൻഡിചർ നോഡൽ ഓഫീസർ കെ സതീശൻ, വരണാധികാരികൾ, അസിസ്റ്റന്റ് എക്സ്പൻഡിചർ ഒബ്സർവർമാർ, എ ഡി എം അതുൽ സ്വാമിനാഥ് പങ്കെടുത്തു. < !- START disable copy paste -->