നീറ്റ് വിവാദം; 'പാറ്റകൾക്ക്' കീഴടങ്ങി കേന്ദ്ര സർക്കാർ, വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവെച്ചു

ന്യൂഡൽഹി: (KasargodVartha) നീറ്റ് പരീക്ഷാ ക്രമക്കേടും ചോദ്യപേപ്പർ ചോർച്ചയുമടക്കം ഉന്നയിച്ച് ജന്തർമന്തറിൽ സമരം ചെയ്യുന്ന 'പാറ്റകൾക്ക്' മുമ്പിൽ കീഴടങ്ങി കേന്ദ്ര സർക്കാർ. കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ മന്ത്രിസ്ഥാനം രാജിവെച്ചു. ശനിയാഴ്ച ഉച്ചയോടെ സിജെപി പ്രതിനിധികളുമായി കേന്ദ്രം ചർച്ച നടത്തുമെന്ന് അറിയിച്ചിരുന്നു. എന്നാൽ ഈ ചർച്ചയ്ക്ക് മുമ്പ് തന്നെ ധർമേന്ദ്ര പ്രധാൻ രാജിവെക്കുകയായിരുന്നു. രാജ്യവ്യാപകമായി ലക്ഷക്കണക്കിന് വിദ്യാർഥികളെ ബാധിച്ച നീറ്റ് യുജി പരീക്ഷാ വിവാദമാണ് നിലവിൽ സർക്കാരിനെ കടുത്ത പ്രതിരോധത്തിലാക്കിയിരിക്കുന്നത്.

സിജെപിയുടെ കർശന നിലപാടും രാജിയും

വിദ്യാർഥി പ്രക്ഷോഭം അവസാനിപ്പിക്കാൻ സർക്കാരും കോക്രോച്ച് ജനതാപാർട്ടി (സിജെപി) നേതാക്കളും കഴിഞ്ഞ വെള്ളിയാഴ്ച‌ ചർച്ച നടത്തിയിരുന്നു. എന്നാൽ ധർമേന്ദ്ര പ്രധാൻ്റെ രാജിയിൽ മാത്രം അന്ന് തീരുമാനമായിരുന്നില്ല. വിദ്യാഭ്യാസ മന്ത്രി രാജിവെച്ചേ തീരൂ എന്ന കർശന നിലപാടിലായിരുന്നു പ്രതിഷേധക്കാരും പ്രതിപക്ഷവും. രണ്ടാം മോദി സർക്കാരിലും സുപ്രധാനമായ ഈ വിദ്യാഭ്യാസ വകുപ്പ് കൈകാര്യം ചെയ്തിരുന്നത് ഇദ്ദേഹമായിരുന്നു.

അസ്വാഭാവിക സാഹചര്യത്തിൽ ജീവനൊടുക്കിയതായി പറയപ്പെടുന്ന വിദ്യാർഥികളുടെ കുടുംബങ്ങൾക്ക് ഒരു കോടി രൂപ നഷ്ടപരിഹാരം നൽകുക, പ്രതിഷേധക്കാർക്കെതിരേ നിയമനടപടി പാടില്ല എന്നീ ആവശ്യങ്ങൾ സർക്കാർ പരിഗണിക്കാമെന്ന് കഴിഞ്ഞ ദിവസം അറിയിച്ചിരുന്നു.

പ്രക്ഷോഭം വ്യാപിച്ചു; എൻടിഎയിൽ അഴിച്ചുപണി

ധർമേന്ദ്ര പ്രധാൻ്റെ രാജിയുമായി ബന്ധപ്പെട്ട ആവശ്യത്തിൽ ശനിയാഴ്ച തീരുമാനം അറിയിക്കാം എന്നായിരുന്നു കേന്ദ്രം നേരത്തെ വ്യക്തമാക്കിയിരുന്നത്. തുടർന്ന് ശനിയാഴ്ച കടുത്ത പ്രക്ഷോഭത്തിലേക്ക് വിദ്യാർഥികൾ കടക്കുകയും, വിവിധ സംസ്ഥാനങ്ങളിലേക്ക് പ്രതിഷേധം അതിവേഗം പടരുകയും ചെയ്തു‌. ഇതിനിടെയാണ് മന്ത്രി തൻ്റെ രാജി സമർപ്പിച്ചത്. സിജെപി നടത്തുന്ന ഈ സമരം വൻ വിജയത്തിലാണ് എത്തിനിൽക്കുന്നത്. സമരം കൂടുതൽ ശക്തമാകുന്ന സാഹചര്യത്തിൽ കഴിഞ്ഞ ദിവസം തന്നെ കേന്ദ്ര സർക്കാർ ചില നടപടികൾ ആരംഭിച്ചിരുന്നു.

പരീക്ഷാക്രമക്കേടുകൾക്കെതിരേ കർശന നടപടികൾ വ്യവസ്ഥചെയ്യുന്ന ബില്ലിന് കേന്ദ്ര മന്ത്രിസഭയുടെ അംഗീകാരം നൽകിയിരുന്നു. പരീക്ഷാ ചോദ്യപേപ്പർ ചോർത്തുന്നവർക്കും ക്രമക്കേട് നടത്തുന്നവർക്കും പത്തുവർഷം വരെ തടവും ഒരു കോടി രൂപ വരെ പിഴയും ഉറപ്പാക്കുന്നതാണ് പുതിയ നിയമം. ഇതിന് പുറമെ നീറ്റ് ഉൾപ്പെടെയുള്ള ദേശീയ പരീക്ഷകൾ നടത്തുന്ന നാഷണൽ ടെസ്റ്റിങ് ഏജൻസിയിൽ (എൻടിഎ) വലിയ ഉടച്ചുവാർക്കൽ നടപടിയാരംഭിച്ച കേന്ദ്രം 47 ഉദ്യോഗസ്ഥരെ പിരിച്ചുവിടുകയും ചെയ്‌തിരുന്നു.

വിദ്യാർഥി പ്രക്ഷോഭങ്ങളെക്കുറിച്ചുള്ള ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ്  ഗ്രൂപ്പുകളിലും ഷെയർ ചെയ്യുക. കൂടുതൽ വിവരങ്ങൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക്  പേജിൽ ഈ വാർത്തയുടെ പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: Education Minister Dharmendra Pradhan resigns over NEET protests.

#DharmendraPradhan #NEETScam #NTA #CockroachJanataParty #CJP #StudentProtest #MalayalamNews #CentralGovt #AnjuNews