ഡി കെ എസ് വിളിയിൽ മുഖരിതമായി മംഗളൂരു വിമാനത്താവളം: കെ സി വേണുഗോപാലിന് മുന്നിൽ ഡികെ ശിവകുമാറിന് പിന്തുണയുമായി കോൺഗ്രസ് പ്രവർത്തകർ
● കെപിസിസി ജനറൽ സെക്രട്ടറി മിഥുൻ റൈയുടെ അഭ്യർത്ഥനയെ അവഗണിച്ച് മുദ്രാവാക്യം തുടർന്നു.
● ഡികെ ശിവകുമാറും സിദ്ധരാമയ്യയും തമ്മിലുള്ള തർക്കം തീർന്നു എന്ന് അവകാശവാദങ്ങൾക്കിടെ മുദ്രാവാക്യം ശ്രദ്ധേയമായി.
● ശനിയാഴ്ച ഡികെ ശിവകുമാർ സിദ്ധരാമയ്യയുടെ ഔദ്യോഗിക വസതിയിൽ പ്രാതൽ കഴിച്ചു.
● ചൊവ്വാഴ്ച സിദ്ധരാമയ്യ ശിവകുമാറിൻ്റെ സ്വകാര്യ വസതിയിലും പ്രാതലിനെത്തിയിരുന്നു.
മംഗളൂരു: (KasargodVartha) എ ഐ സി സി ജനറൽ സെക്രട്ടറി കെ സി വേണുഗോപാലിനെ സ്വീകരിക്കാൻ ബുധനാഴ്ച, (ഡിസംബർ 3) മംഗളൂരു അന്താരാഷ്ട്ര വിമാനത്താവളത്തിൽ തടിച്ചുകൂടിയ കോൺഗ്രസ് പ്രവർത്തകർ ഉപമുഖ്യമന്ത്രി ഡികെ ശിവകുമാറിന് പിന്തുണ പ്രഖ്യാപിച്ച് മുദ്രാവാക്യം വിളിച്ചു.
'ഡി കെ എസ്, ഡി കെ എസ്' എന്ന് ആർത്ത് വിളിച്ചാണ് പ്രവർത്തകർ വേണുഗോപാലിനെ വലയം ചെയ്തത്. ഡികെ ശിവകുമാറും സിദ്ധരാമയ്യയും നമ്മുടെ നേതാക്കളാണെന്ന് കെ പി സി സി ജനറൽ സെക്രട്ടറി മിഥുൻ റൈ പറയുന്നതിനിടെയും നിശ്ശബ്ദരാകാതെ പ്രവർത്തകർ മുദ്രാവാക്യം വിളി തുടർന്നു.
Congress workers raised slogans in support of Deputy Chief Minister DK Shivakumar on his arrival at Mangaluru International Airport on Wednesday.@DeccanHerald pic.twitter.com/gP3Ni82qCQ
— Naina Jaya Appayya (@Naina78453644) December 3, 2025
കൊണാജെയിൽ മംഗളൂരു സർവകലാശാലയിൽ ഒരു ചടങ്ങിൽ പങ്കെടുക്കാൻ എത്തിയതായിരുന്നു കെ സി വേണുഗോപാൽ. വേണുഗോപാൽ വിമാനത്താവളത്തിൽ നിന്ന് പുറത്തിറങ്ങിയ ഉടൻ തന്നെ കോൺഗ്രസ് പ്രവർത്തകർ ശിവകുമാറിന് അനുകൂലമായി മുദ്രാവാക്യം വിളി തുടങ്ങി.
ശനിയാഴ്ച ഡികെ ശിവകുമാർ മുഖ്യമന്ത്രി സിദ്ധരാമയ്യയുടെ ഔദ്യോഗിക വസതിയിലും മുഖ്യമന്ത്രി ചൊവ്വാഴ്ച ശിവകുമാറിന്റെ സ്വകാര്യ വസതിയിലും പ്രാതൽ കഴിച്ചതിലൂടെ നേതൃമാറ്റം സംബന്ധിച്ച തർക്കം അവസാനിപ്പിച്ചു എന്നാണ് നേരത്തെ അവകാശപ്പെട്ടിരുന്നത്. ഈ പശ്ചാത്തലത്തിലാണ് ഡികെ ശിവകുമാറിന് പിന്തുണ പ്രഖ്യാപിച്ചുകൊണ്ടുള്ള പ്രവർത്തകരുടെ മുദ്രാവാക്യം വിളി ശ്രദ്ധേയമാകുന്നത്.
ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യുക.
Article Summary: Congress workers chanted pro-DKS slogans in front of KC Venugopal at Mangaluru Airport.
#DKShivakumar #KCVenugopal #Congress #Mangaluru #KarnatakaPolitics #SiddaRamiah
