ദേലംപാടിയിൽ സിപിഎം ഭരണത്തിനെതിരെ ബിജെപി; എസ് സി., എസ് ടി ഫണ്ട് വകമാറ്റിയെന്ന് ആരോപണം

അടൂർ: (KasargodVartha) ദേലംപാടി പഞ്ചായത്തിലെ ഭരണസമിതി പട്ടികജാതി, പട്ടികവർഗ്ഗ വിഭാഗങ്ങളെ അവഗണിക്കുകയാണെന്ന് ബി.ജെ.പി. സംസ്ഥാന സെൽ കോർഡിനേറ്റർ അഡ്വ. വി.കെ. സജീവൻ ആരോപിച്ചു. 

തുടർച്ചയായി രണ്ട് പതിറ്റാണ്ടിലേറെയായി സി.പി.എം. ഭരിക്കുന്ന പഞ്ചായത്തിൽ എസ്.സി., എസ്.ടി. മേഖലകളിൽ വികസനം എത്തിക്കാൻ ഭരണസമിതിക്ക് സാധിച്ചിട്ടില്ലെന്നും പിന്നോക്ക വിഭാഗങ്ങൾക്ക് നൽകേണ്ട ഫണ്ടുകൾ വകമാറ്റി ചെലവഴിക്കുകയാണെന്നും അദ്ദേഹം പറഞ്ഞു.

തകർന്ന റോഡുകൾ നന്നാക്കാനോ ആശുപത്രിയിൽ മാസങ്ങളായി ഡോക്ടർ ഇല്ലാത്ത വിഷയത്തിൽ നടപടി സ്വീകരിക്കാനോ ഭരണാധികാരികൾ തയ്യാറാകുന്നില്ലെന്നും അദ്ദേഹം കൂട്ടിച്ചേർത്തു. ബി.ജെ.പി. അടൂർ ഏരിയ കമ്മിറ്റിയുടെ നേതൃത്വത്തിൽ പഞ്ചായത്തിലേക്ക് നടത്തിയ പ്രതിഷേധ പ്രകടനം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.

ഏരിയ കമ്മിറ്റി പ്രസിഡന്റ് രാജേഷ് പാണ്ടി അധ്യക്ഷത വഹിച്ചു. ബി.ജെ.പി. നാഷണൽ കൗൺസിൽ അംഗം പ്രമീള സി. നായിക്, ജില്ലാ സെക്രട്ടറി മഹേഷ് ഗോപാൽ, മുളിയാർ മണ്ഡലം പ്രസിഡന്റ് ദിലീപ് പള്ളഞ്ചി, അടൂർ ഏരിയ കമ്മിറ്റി ജനറൽ സെക്രട്ടറി വിവേകാനന്ദ അടൂർ, ഏരിയ കമ്മിറ്റി സെക്രട്ടറി നാരായണൻ മാസ്റ്റർ, രാജു കോരികണ്ടം തുടങ്ങിയവർ സംസാരിച്ചു.


ദേലംപാടി പഞ്ചായത്തിലെ പ്രശ്നങ്ങളെക്കുറിച്ചുള്ള നിങ്ങളുടെ അഭിപ്രായങ്ങൾ കമന്റ് ചെയ്യൂ.

Article Summary: Allegations of SC/ST neglect in Delampady Panchayat by Adv. VK Sajeevan.

#DelampadyPanchayat #SCSTNeglect #BJPKerala #LocalNews #KeralaPolitics #VKSAjeevan