ജില്ലാ പഞ്ചായത്ത് ഡിവിഷനുകളിലേക്കുള്ള സി പി ഐ സ്ഥാനാർഥികളെ പ്രഖ്യാപിച്ചു; മൂന്ന് പേർ ജനവിധി തേടും

കാസർകോട്: (KasargodVartha) ജില്ലാ പഞ്ചായത്ത് ഡിവിഷനിലേക്കുള്ള സി പി ഐയുടെ മൂന്ന് സ്ഥാനാർഥികളെയും നേതൃത്വം പ്രഖ്യാപിച്ചു. പെരിയ, ബദിയടുക്ക, കുഞ്ചത്തൂർ ഡിവിഷനുകളിലേക്കുള്ള സ്ഥാനാർഥികളെയാണ് പ്രഖ്യാപിച്ചത്.

പെരിയ ഡിവിഷൻ

പെരിയ ഡിവിഷനിൽ എ ഐ എസ് എഫ് സംസ്ഥാന എക്സിക്യൂട്ടീവ് അംഗമായ കെ കെ സോയ (26) യാണ് എൽ ഡി എഫ് സ്ഥാനാർഥിയായി ജനവിധി തേടുന്നത്. എ ഐ വൈ എഫ് ജില്ലാ കമ്മിറ്റി അംഗം, കാഞ്ഞങ്ങാട് മണ്ഡലം കമ്മിറ്റി അംഗം, രാവണീശ്വരം സി അച്യുതമേനോൻ ഗ്രന്ഥാലയം ഭരണസമിതി അംഗം എന്നീ നിലകളിൽ പ്രവർത്തിക്കുന്നു. 

എം എ മലയാളം, ബി എഡ് എന്നിവയാണ് വിദ്യാഭ്യാസ യോഗ്യത. സി പി ഐ രാവണീശ്വരം സെക്കന്റ് ബ്രാഞ്ച് അംഗമാണ്. എ ഐ എസ് എഫ് ജില്ലാ പ്രസിഡന്റ്, സെക്രട്ടറി, കാഞ്ഞങ്ങാട് മണ്ഡലം പ്രസിഡന്റ് എന്നീ നിലകളിലും പ്രവർത്തിച്ചിരുന്നു. രാവണീശ്വരം സ്വദേശിയാണ്. പിതാവ്: കരുണാകരൻ കുന്നത്ത്, മാതാവ്: രജിത എം, സഹോദരൻ: കെ കെ കണ്ണൻ.

ബദിയടുക്ക ഡിവിഷൻ

സി പി ഐ ബദിയടുക്ക മണ്ഡലം കമ്മിറ്റി അംഗമായ പ്രകാശ് കുമ്പഡാജെ (39) യാണ് ബദിയടുക്ക ഡിവിഷനിൽ ജനവിധി തേടുന്നത്. കർഷക തൊഴിലാളി ഫെഡറേഷൻ (ബി കെ എം യു) ബദിയടുക്ക മണ്ഡലം സെക്രട്ടറി, എ ഐ ഡി ആർ എം ബദിയടുക്ക മണ്ഡലം സെക്രട്ടറി എന്നീ നിലകളിൽ പ്രവർത്തിക്കുന്നു. കുമ്പഡാജെ പഞ്ചായത്തിലെ കാടരബള്ളി സ്വദേശിയാണ്. ഭാര്യ: ജയശ്രീ സി, മക്കൾ: പ്രജ്വൽ പ്രകാശ്, പ്രജീഷ് പ്രകാശ്. പിതാവ്: ബാബു കാപ്പഡ, മാതാവ്: കമല.

കുഞ്ചത്തൂർ ഡിവിഷൻ

സി പി ഐ പൈവളികെ ലോക്കൽ കമ്മിറ്റി അംഗമായ അശ്വത് പൂജാരി (36), ലാൽബാഗ് ആണ് കുഞ്ചത്തൂർ ഡിവിഷനിൽ ജനവിധി തേടുന്നത്. ബി സി എ ബിരുദധാരിയായ അശ്വത്, പൈവളികെ സർവ്വീസ് സഹകരണ ബാങ്ക് പ്രസിഡന്റ്, ഡയറക്ടർ എന്നീ നിലകളിൽ പ്രവർത്തിച്ചിരുന്നു. മഞ്ചേശ്വരം മേഖലയിലെ കലാകായിക, സാംസ്കാരിക രംഗങ്ങളിൽ സജീവമാണ്. ഭാര്യ: വിസ്മിത.

കാസർകോട് ജില്ലാ പഞ്ചായത്ത് തിരഞ്ഞെടുപ്പ് വിശേഷങ്ങൾ അറിയാൻ ഈ വാർത്ത പങ്കുവയ്ക്കുക. നിങ്ങളുടെ അഭിപ്രായം കമൻ്റ് ചെയ്യുക. 

Article Summary: CPI announced three candidates for Kasaragod District Panchayat: K K Soya (Periya), Prakash Kumbadaje (Badiyadukka), and Ashwath Poojary (Kunchathur).

#KasaragodElections #CPICandidates #DistrictPanchayat #LDF #KeralaPolitics #KKSoya