ദേശീയപാത നിർമ്മാണ കമ്പനിയായ മേഘാ കൺസ്ട്രക്ഷൻ ഓഫീസിലേക്ക് കോൺഗ്രസ് നടത്തിയ മാർച്ചിൽ ഉന്തും തള്ളും

ചട്ടഞ്ചാൽ: (KasargodVartha) ദേശീയപാതയുടെ തകർച്ചയിൽ പ്രതിഷേധിച്ചുകൊണ്ട് കോൺഗ്രസ് പാർട്ടി നിർമ്മാണ കമ്പനിയായ മേഘാ കൺസ്ട്രക്ഷൻ ഓഫീസിലേക്ക് നടത്തിയ പ്രതിഷേധ മാർച്ച് ഉന്തും തള്ളലിൽ അവസാനിച്ചു.

ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ മയിലാട്ടിയിലെ മേഘാ കൺസ്ട്രക്ഷൻ കമ്പനിയുടെ പ്രാദേശിക ഓഫീസിലേക്കായിരുന്നു മാർച്ച് സംഘടിപ്പിച്ചത്. പ്രതിഷേധ പ്രകടനത്തിനിടെ പ്രവർത്തകരും പോലീസും തമ്മിൽ ഉന്തും തള്ളുമുണ്ടായി. പിന്നീട് നേതാക്കൾ ഇടപെട്ടാണ് പ്രതിഷേധക്കാരെ ശാന്തരാക്കിയത്.

എം.പി രാജ്മോഹൻ ഉണ്ണിത്താൻ പ്രതിഷേധ ധർണ്ണ ഉദ്ഘാടനം ചെയ്തു. അശാസ്ത്രീയമായ നിർമ്മാണം നടത്തുന്ന മേഘാ കമ്പനിയെ കരിമ്പട്ടികയിൽ ഉൾപ്പെടുത്തണമെന്ന് അദ്ദേഹം വാർത്താസമ്മേളനത്തിൽ ആവശ്യപ്പെട്ടു. ഒരു നിമിഷം പോലും ഇത്തരം കമ്പനികളെ തുടർന്ന് ജോലി ചെയ്യാൻ അനുവദിക്കരുതെന്നും ഉണ്ണിത്താൻ കൂട്ടിച്ചേർത്തു.

പൊയ്‌നാച്ചിയിൽ നിന്ന് ആരംഭിച്ച പ്രതിഷേധ മാർച്ച് മേൽപ്പറമ്പ്-ബേക്കൽ പോലീസ് കമ്പനി ഓഫീസ് പരിസരത്ത് തടഞ്ഞു. ഡി.സി.സി പ്രസിഡണ്ട് പി.കെ ഫൈസൽ പ്രതിഷേധ യോഗത്തിൽ അധ്യക്ഷത വഹിച്ചു.

കെ. നീലകണ്ഠൻ, എം.സി പ്രഭാകരൻ, മിനി ചന്ദ്രൻ, ധന്യാ സുരേഷ്, സാജിദ് മൗവ്വൽ, രമേശൻ കരുവാച്ചേരി, കെ. ഭക്തവത്സലൻ തുടങ്ങിയ പ്രമുഖ നേതാക്കൾ സമരത്തിന് നേതൃത്വം നൽകി.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക. കൂടുതൽ പേരിലേക്ക് എത്തിക്കാൻ ഷെയർ ചെയ്യുക! 

Article Summary: Congress protested against Megha Constructions over poor national highway work, demanding blacklisting.

#KeralaNews, #Kanhangad, #MeghaConstructions, #NationalHighway, #CongressProtest, #RajmohanUnnithan