എം എ ലത്വീഫിന് വോട് തേടി മുഖ്യമന്ത്രി; കയ്യടികളോടെ സദസ്

കാസർകോട്‌: (www.kasargodvartha.com 30.03.2021) മണ്ഡലം എൽഡിഎഫ്‌ സ്ഥാനാർഥി ചൊവ്വാഴ്‌ച രാവിലെ മൊഗ്രാലിൽ കാസർകോട്‌, മഞ്ചേശ്വരം എൽഡിഎഫ്‌ തെരഞ്ഞെടുപ്പ്‌ റാലിയിൽ പങ്കെടുത്തു. സ്ഥാനാർഥികളായ എം എ ലത്വീഫ്, വിവി രമേശൻ എന്നിവർക്ക് വോട് തേടി മുഖ്യമന്ത്രി സംസാരിച്ചത് കയ്യടികളോടെയാണ് സദസ് വരവേറ്റത്.

അഞ്ച് വർഷത്തെ ഭരണത്തിൽ സംതൃപ്തരായ ജനങ്ങളെയാണ് കാണാൻ കഴിയുന്നതെന്ന് മുഖ്യമന്ത്രി പിണറായി വിജയൻ പറഞ്ഞു. എല്ലാ കാലത്തും വർഗീയതയോട് സമരസപ്പെട്ട് കിടന്ന ചരിത്രമാണ് കോൺഗ്രസിന്റേത്. കോവിഡ് വാക്സിനേഷൻ കഴിഞ്ഞാൽ പൗരത്വ ഭേദഗതി ബിൽ നടപ്പിലാക്കുമെന്നാണ് കേന്ദ്ര സർകാർ പറയുന്നത്. എന്നാൽ പൗരത്വ ഭേദഗതി നിയമം കേരളത്തിൽ നടപ്പിലാക്കില്ലെന്ന് ഇടത് സർകാർ ആവർത്തിച്ചു പറയുന്നു. വടക്കേ ഇന്ത്യൻ സംസ്ഥാനങ്ങളിൽ പൗരത്വ ഭേദഗതി നിയമത്തിന്റെ പേരിൽ ഡിറ്റക്ഷൻ സെന്ററുകൾ തുറന്നിട്ടുണ്ട്. ഡിറ്റക്ഷൻ കേന്ദ്രങ്ങൾ ചിലരെ പൂട്ടാനാണ് എന്നാണ് പറയുന്നതെങ്കിലും ഗവണ്മെന്റിനെതിരെ ആരൊക്കെയുണ്ടോ അവരെയൊക്കെ ഡിറ്റക്ഷൻ കേന്ദ്രത്തിൽ എത്താമെന്നും മുഖ്യമന്ത്രി പറഞ്ഞു.