മുഖ്യമന്ത്രി സ്വകാര്യ ആശുപത്രികളുടെ 'ബ്രാൻഡ് അംബാസഡറാ'കരുതെന്ന് എ അബ്ദുൽ റഹ്‌മാൻ

കാസർകോട്: (KasargodVartha) മുഖ്യമന്ത്രി പിണറായി വിജയനും സി.പി.എമ്മും ചില സ്വകാര്യ ആശുപത്രി മുതലാളിമാരുടെ സ്പോൺസർമാരായി പ്രവർത്തിക്കുകയാണെന്ന് എസ്.ടി.യു ദേശീയ വൈസ് പ്രസിഡണ്ട് എ. അബ്ദുൽ റഹ്‌മാൻ. 

സർക്കാർ ആശുപത്രികളെ നോക്കുകുത്തികളാക്കി വൻകിട സ്വകാര്യ ആശുപത്രികൾക്ക് കൊള്ള നടത്താൻ അവരുടെ 'ബ്രാൻഡ് അംബാസഡർമാർ' ആയി ഭരണകർത്താക്കൾ മാറുന്നത് അപകടകരമായ അവസ്ഥയാണ്. ഇക്കാര്യത്തിൽ സി.പി.എം നയം വ്യക്തമാക്കണമെന്നും അദ്ദേഹം ആവശ്യപ്പെട്ടു.

മുഖ്യമന്ത്രിയുടെ നടപടി കാസർകോട്ടെ ജനങ്ങളോടുള്ള വെല്ലുവിളി

പതിമൂന്ന് വർഷം മുൻപ് ജില്ലക്ക് അനുവദിച്ച മെഡിക്കൽ കോളേജ് ഒൻപത് വർഷം ഭരിച്ചിട്ടും പൂർത്തീകരിക്കാനാകാതെ പാതിവഴിയിൽ കിടക്കുകയാണ്. അവിടേക്ക് തിരിഞ്ഞുനോക്കാത്ത മുഖ്യമന്ത്രി, 2018-ൽ അദ്ദേഹം തന്നെ തറക്കല്ലിട്ട കാസർകോട് സർക്കാർ ജനറൽ ആശുപത്രിയിലെ കെട്ടിടം പാതിവഴിയിലായതുപോലും സന്ദർശിക്കാൻ തയ്യാറായില്ല. 

എന്നാൽ, സ്വകാര്യ ആശുപത്രി ഉദ്ഘാടനം ചെയ്ത് മടങ്ങിയ മുഖ്യമന്ത്രിയുടെ നടപടി കാസർകോട്ടെ ജനങ്ങളോടുള്ള വെല്ലുവിളിയായാണെന്നും അബ്ദുൽ റഹ്‌മാൻ കുറ്റപ്പെടുത്തി. കോവിഡ് കാലത്ത് മതിയായ ചികിത്സ ലഭിക്കാതെ ജനങ്ങൾ പ്രയാസങ്ങൾ അനുഭവിക്കുമ്പോൾ തദ്ദേശവാസികളായ ആരോഗ്യ സംരക്ഷക പ്രവർത്തകർ ജനങ്ങൾക്ക് നൽകിയ വാക്ക് പാലിക്കുന്നതിന് വേണ്ടി പണിതീർത്ത ആശുപത്രി കഴിഞ്ഞ വർഷം കാസർകോട് നഗരത്തിലെത്തിയ ആരോഗ്യ മന്ത്രി ഉദ്ഘാടനം ചെയ്യാതെ മടങ്ങിയ കാര്യവും അദ്ദേഹം ഓർമിപ്പിച്ചു.

സി.പി.എമ്മിന് ഇരട്ടത്താപ്പ്

സ്വകാര്യ ആശുപത്രി ഉദ്ഘാടനം ചെയ്യുന്നത് പാർട്ടി വിലക്കിയത് കൊണ്ടാണ് നിശ്ചയിച്ച പരിപാടിയിൽ നിന്ന് ആരോഗ്യ മന്ത്രി വിട്ടുനിന്നതെന്ന് അന്ന് മന്ത്രി പത്രക്കാരോട് പറഞ്ഞിരുന്നു. ഈ സാഹചര്യത്തിൽ, നാട്ടുകാരായ ചില സംരംഭകർ ആരംഭിച്ച ആശുപത്രി ഉദ്ഘാടനം ചെയ്യരുതെന്ന് നിർദ്ദേശിച്ച പാർട്ടി, മുഖ്യമന്ത്രിയെ വിലക്കാത്തത് എന്താണെന്ന് വ്യക്തമാക്കണം. 

'സ്വകാര്യ ആശുപത്രികളുടെ ബ്രാൻഡ് അംബാസഡർ ആകരുത് മുഖ്യമന്ത്രി' എന്നും എ. അബ്ദുൽ റഹ്‌മാൻ കൂട്ടിച്ചേർത്തു.

ഈ വിഷയത്തിൽ നിങ്ങളുടെ അഭിപ്രായം എന്താണ്? വാർത്ത ഷെയർ ചെയ്യുക. കമന്റ് ബോക്സിൽ പ്രതികരണം അറിയിക്കുക. 

Article Summary: STU leader A. Abdul Rahman criticized CM Pinarayi Vijayan for neglecting government hospitals and acting as a 'brand ambassador' for private hospitals in Kasaragod.

#Kasaragod #PinarayiVijayan #CPM #PrivateHospital #GovernmentHospital #KeralaPolitics