വെള്ളരിക്കുണ്ടിലെ കേരള കോൺഗ്രസ് സ്ഥാനാർഥി ബി ജെ പി പ്രവർത്തകനാണെന്ന് വെളിപ്പെടുത്തിയ ബി ജെ പി മണ്ഡലം ജനറൽ സെക്രട്ടറിക്കെതിരെ കേസ്

തെരഞ്ഞെടുപ്പ് പ്രചാരണത്തിൽ മുന്നിട്ട് നിൽക്കുന്ന രാജേഷിന്റെ വിജയം തടയുക എന്ന ലക്ഷ്യത്തോടെ വീഡിയോ സന്ദേശം നൽകിയതായാണ് പരാതി. രാഷ്ട്രീയ ലഹള ഉണ്ടാക്കുക, ജനങ്ങളിൽ ചേരിതിരിവ് ഉണ്ടാക്കുക, അപമാനിക്കുക എന്നീ ലക്ഷ്യത്തോടെ സമൂഹ മാധ്യമങ്ങളിലൂടെ വീഡിയോ പ്രചരിപ്പിക്കുകയായിരുന്നുവെന്നാണ് സ്ഥാനാർത്ഥിയുടെ പരാതി. വീഡിയോ സന്ദേശത്തിന്റെ സിഡിയും, സ്ക്രീൻഷോർട്ടും പരാതിക്കൊപ്പം സി ആർ രാജേഷ് പോലീസിന് നൽകിയിട്ടുണ്ട്.

സി ആർ രജേഷ് വെള്ളരിക്കുണ്ട് പോലീസിൽ നൽകിയ പരാതിയെ തുടർന്ന് പോലീസ് ഉത്തമനെയും പരാതിക്കാരനെയും വിളിച്ചു വരുത്തി പ്രശ്ന പരിഹാരത്തിന് ശ്രമിച്ചിരുന്നു. എന്നാൽ സ്ഥാനാർത്ഥിക്ക് ഒപ്പം സ്റ്റേഷനിൽ എത്തിയ കേരള കോൺഗ്രസ്സ് നേതാക്കൾ വിഷയത്തിൽ കേസ് രജിസ്റ്റർ ചെയ്യണമെന്ന ആവശ്യത്തിൽ ഉറച്ചു നിൽക്കുകയായിരുന്നു.

പൊലീസിന് മുന്നിൽ വീഡിയോ സന്ദേശത്തിന്റെ വിശദീകരണം നൽകുവാൻ എത്തിയ ഉത്തമൻ രാജേഷ് മുൻപ് ബി ജെ പി പ്രവർത്തകൻ ആണെന്ന് തെളിയിക്കുന്ന രേഖകൾ കാണിച്ചിരുന്നു. താൻ രാജേഷിനെ വംശീയമായോ മറ്റേതെങ്കിലും തരത്തിലോ അപമാനിക്കുവാനോ ആക്ഷേപിക്കുവാനോ അല്ല വീഡിയോ കൊണ്ട് ഉദ്ദേശിച്ചത് എന്നും തന്റെ വീഡിയോ എന്തെങ്കിലും തരത്തിൽ തന്റെ പഴയ സുഹൃത്തും ഇപ്പോൾ കേരള കോൺഗ്രസ് സ്ഥാനാർത്ഥിയുമായ സി ആർ രാജേഷിന് വിഷമം ഉണ്ടാക്കിയിട്ടുണ്ടെങ്കിൽ ഖേദം പ്രകടിപ്പിക്കുന്നതായും കെ ഉത്തമൻ കാസർകോട് വാർത്തയോട് പറഞ്ഞു. < !- START disable copy paste -->