Politics | മധൂർ പഞ്ചായതിൽ ബിജെപി നേതൃത്വത്തിൻ്റെ കടുംവെട്ട്; 'രാവിലെ 11 മണിക്കകം പ്രസിഡണ്ട് അടക്കം 5 അംഗങ്ങളും സ്ഥാനം ഒഴിയണം'

കാ​സ​ർ​കോ​ട്: (KasargodVartha) മധൂർ ഗ്രാ​മ​പ​ഞ്ചാ​യ​തിൽ ബിജെപി നേതൃത്വത്തിൻ്റെ കടുംവെട്ട്. ഭരണത്തിൽ ശോഭിക്കാൻ കഴിയാത്തതിൻ്റെ പേരിൽ പ്ര​സി​ഡ​ന്റും വൈ​സ് പ്ര​സി​ഡ​ന്റും മൂ​ന്ന് സ്ഥി​രം​സ​മി​തി അം​ഗ​ങ്ങ​ളും തിങ്കളാഴ്ച 11 മണിക്കകം രാ​ജി​വെ​ക്കാ​ൻ ബിജെപി നേ​തൃ​ത്വം അന്ത്യശാസനം ന​ൽ​കി. 

പു​തി​യ ഭ​ര​ണ​സ​മി​തി​യെ ഏതാണ്ട് തീ​രു​മാ​നി​ച്ചിട്ടുണ്ട്. ഭരണത്തിൽ ശോഭിച്ചില്ലെന്ന് മാത്രമല്ല  ഗ്രാ​മ​പ​ഞ്ചാ​യത് ഓ​ഫീ​സു​മാ​യി ബ​ന്ധ​പ്പെ​ട്ട് ഉ​യ​ർ​ന്ന നി​ര​ന്ത​ര അ​ഴി​മ​തി​യാ​രോ​പ​ണ​ങ്ങ​ളും പ​ഞ്ചാ​യ​ത് ഓ​ഫീ​സ് പ്ര​തി​പ​ക്ഷ​പാർടി​ക​ൾ സ്ഥി​രം സ​മ​ര​വേ​ദി​യാ​ക്കാനിടയായതുമാണ് ഭരണസമിതിയിലെ മുഴുവൻ പേരെയും ഒറ്റയടിക്ക് പുറത്താക്കി ശുദ്ധികലശം നടത്താൻ  ബിജെ​പി നേ​തൃ​ത്വ​ത്തെ പ്രേ​രി​പ്പി​ച്ച​ത്. 

പ്ര​സി​ഡ​ന്റും മീ​പ്പു​ഗി​രി വാ​ർ​ഡ് അം​ഗ​വു​മാ​യ കെ ​ഗോ​പാ​ല​കൃ​ഷ്ണ, വൈ​സ് പ്ര​സി​ഡ​ന്റും മ​ധൂ​ർ വാ​ർ​ഡ് അംഗവു​മാ​യ സ്മി​ജ വി​നോ​ദ്, സ്ഥി​രം​സ​മി​തി അം​ഗ​ങ്ങ​ളാ​യ സൂ​ർ​ലു വാ​ർ​ഡ് അം​ഗം എ​സ് രാ​ധാ​കൃ​ഷ്ണ, മന്നിപ്പാടി, വാ​ർ​ഡ് അം​ഗം ഉ​മേ​ഷ് ഗ​ട്ടി, ക​ല്യ​ങ്ങാ​ട് വാ​ർ​ഡ് അം​ഗം യ​ശോ​ദ നാ​യ്ക് എ​ന്നി​വ​രോ​ടാ​ണ് രാ​ജി​ നമർപ്പിക്കാൻ ഉഗ്രശാസന നൽകിയത്. 

അ​ഴി​മ​തി​യാ​രോ​പി​ച്ച്  യുഡിഎ​ഫും സിപിഎ​മും നിരന്തരം ഭരണപക്ഷത്തെ പ്രതിരോധത്തിലാക്കി. പ്രതിക്ഷ സമരത്തെ വസ്തുതകൾ നിരത്തി ചോദ്യം ചെയ്യാനുള്ള കെൽപ്പും ഭരണ സമിതിക്കുണ്ടായില്ലെന്ന് ഒരു പാർടി ഭാരവാഹി കാസർകോട് വാർത്തയോട് പറഞ്ഞു. പ്രതിപക്ഷം ഉയർത്തിയ  ആ​രോ​പ​ണ​ങ്ങളെല്ലാം വെറും രാഷ്ട്രീയ ആരോപണങ്ങൾ മാത്രമല്ലെന്നും വസ്തുതാപരമാണെന്നും ബിജെപി നേ​തൃ​ത്വത്തിന് ബോധ്യം വന്നതോടെയാണ് കടും വെട്ടിന് തീരുമാനിച്ചതെന്നാണ് സൂചന. ചില പരാതികളിൽ വി​ജി​ല​ൻ​സ് അന്വേഷണവും നടന്നിരുന്നു. ഇതെല്ലാമാണ് ഭരണസമിതിയെ ഒന്നാകെ തുടച്ച് തീക്കാൻ തീരുമാനിച്ചത്.

രാജി നിർദേശം നൽകി ദിവസങ്ങൾ കഴിഞ്ഞിട്ടും അതിന് തയ്യാറാകാതെ വന്നതോടെയാണ് തിങ്കളാഴ്ച 11 മണിയെന്ന അന്ത്യശാസനം ഉണ്ടായത്. നേതൃത്വത്തിൻ്റെ നടപടി ധീരമാണെന്ന് ബിജെപിയുടെ സജീവ പ്രവർത്തകൻ പ്രതികരിച്ചു. നടപടി ഇതിന് മുമ്പേ ഉണ്ടാകണമായിരുന്നുവെന്നും പാർടിയുടെ ഈ തീരുമാനം മറ്റ് പാർടികളും മാതൃകയാക്കുകയാണെങ്കിൽ നാട് നന്നാകുമായിരുന്നുവെന്നും ബി ജെ പി പ്രവർത്തകൻ കൂട്ടിച്ചേർത്തു.

പ​ഞ്ചാ​യ​തി​ൽ വോ​ടർ​പ​ട്ടി​ക അ​ച്ച​ടി​ച്ച ക​ണ​ക്കി​ൽ എ​ട്ടു​ല​ക്ഷം രൂ​പ​ ചി​ല​വ് കാ​ണി​ച്ചതാണ് പ്രതിപക്ഷം ഉയർത്തിയ പ്രധാന ആരോപണം. 50,000 രൂ​പ​ ചി​ല​വു​മാ​ത്രം വ​രു​ന്ന പ്ര​വൃ​ത്തി​യാ​ണി​ത്. പ്ലാ​സ്റ്റി​ക് മാ​ലി​ന്യം സ്വകാ​ര്യ കംപനി​ക്ക് ന​ൽ​കി​യ​തിലും അ​ഴി​മ​തി​യാ​രോ​പ​ണം ഉയർന്നിരുന്നു.  ഏ​റ്റ​വും ഒ​ടു​വി​ലാ​യി കുടിവെള്ളം വി​ത​ര​ണം ചെ​യ്ത​തി​ൽ അ​ഴി​മ​തി​യു​ണ്ടെ​ന്ന പ​രാ​തി​യെ​തു​ട​ർ​ന്ന് വി​ജി​ല​ൻ​സ് പ​രി​ശോ​ധ​ന​ നടന്നതാണ് ഭരണസമിതിയെ പ്രതിസന്ധിയിലാക്കിയത്.

ഓ​ഗ​സ്റ്റ് 16, 17 തീ​യ​തി​ക​ളി​ൽ വി​ജി​ല​ൻ​സി​ന്റെ പ​രി​ശോ​ധ​ന ന​ട​ന്നു. ജിപിഎ​സ് ഘ​ടി​പ്പി​ച്ച വ​ണ്ടി​യി​ലാ​ണ് കു​ടി​വെള്ള വി​ത​ര​ണം ന​ട​ന്ന​ത്. എ​ന്നാ​ൽ, വ​ണ്ടി യാ​ത്ര ചെ​യ്ത​തി​നേ​ക്കാ​ൾ കൂ​ടു​ത​ൽ തു​ക​യാ​ണ് ഈ​ടാ​ക്കി​യതെന്ന് ആരോപണമുണ്ട്. ജിപിഎ​സി​ൽ കാ​ണി​ച്ച​തി​നേ​ക്കാ​ൾ 70ശ​ത​മാ​നം തു​ക അ​ധി​ക​മാ​യി ന​ൽ​കിയെന്നും ല​ക്ഷം രൂ​പ​യാ​ണ് പ​ഞ്ചാ​യ​തി​ന് ന​ഷ്ട​മാ​യതെന്നുമാണ് ആക്ഷേപം. 20 അം​ഗ ഗ്രാ​മ​പ​ഞ്ചാ​യ​തിൽ കോൺഗ്രസ് ഒന്ന്, ലീഗ് രണ്ട്, സിപിഎം നാല് എന്നിങ്ങനെയാണ് കക്ഷിനില. ജില്ലയിൽ ബിജെപി എക്കാലത്തെയും ശക്തികേന്ദ്രമായ പഞ്ചായതാണ് മധൂർ.