ഗവ. കോളജിലെ പാചകതൊഴിലാളിയെ കശുമാവിന്‍ തോട്ടത്തില്‍ തൂങ്ങിമരിച്ച നിലയില്‍ കണ്ടെത്തി

കാസര്‍കോട്: (www.kasargodvartha.com 21.05.2019) ഗവ. കോളജിലെ പാചകതൊഴിലാളിയെ കശുമാവിന്‍ തോട്ടത്തില്‍ തൂങ്ങിമരിച്ച നിലയില്‍ കണ്ടെത്തി. കുറ്റിക്കോല്‍ കളക്കര പള്ളത്തിങ്കാല്‍ സ്വദേശി കൊട്ടനെ (61) യാണ് വീടിനടുത്തുള്ള കശുമാവിന്‍ തോട്ടത്തില്‍ തൂങ്ങിമരിച്ച നിലയില്‍ കണ്ടെത്തിയത്. കൊട്ടനെ കാണാത്തതിനെ തുടര്‍ന്ന് അന്വേഷിക്കുന്നതിനിടെയാണ് തിങ്കളാഴ്ച രാത്രി ഏഴു മണിയോടെ മൃതദേഹം കണ്ടെത്തിയത്.

വിവരമറിഞ്ഞ് പോലീസ് സ്ഥലത്തെത്തി മൃതദേഹം ഇന്‍ക്വസ്റ്റിനു ശേഷം പോസ്റ്റുമോര്‍ട്ടത്തിനായി കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി. ഭാര്യ: ഓമന. മക്കള്‍: അനില്‍കുമാര്‍, അനിത. മരുമകന്‍: ചന്ദ്രന്‍. സഹോദരങ്ങള്‍: അനന്തന്‍, അപ്പാ, രമണി, ചോയിച്ചി.