കീഴൂരിൽ യുവാവിനെ വീട്ടിൽ മരിച്ചനിലയിൽ കണ്ടെത്തി

മേൽപറമ്പ്: (KasargodVartha) യുവാവിനെ വീട്ടിലെ കിടപ്പുമുറിയിൽ മരിച്ചനിലയിൽ കണ്ടെത്തി. കീഴൂർ കടപ്പുറത്തെ രാജൻ-സൗമിനി ദമ്പതികളുടെ മകൻ രാഹുലിനെയാണ് (21) ബുധനാഴ്ച ഉച്ചയ്ക്ക് 12.30-നും 12.45-നും ഇടയിലുള്ള സമയത്ത് കിടപ്പുമുറിയിൽ തൂങ്ങിയ നിലയിൽ കണ്ടെത്തിയത്. 

വീട്ടുകാർ ഉടൻതന്നെ ദേളി എച്ച് എൻ സി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഏതോ മാനസിക പ്രയാസമാണ് മരണകാരണമെന്നാണ് പോലീസ് പറയുന്നത്. മൃതദേഹം പോസ്റ്റുമോർട്ടത്തിനായി കാസർകോട് ജനറൽ ആശുപത്രിയിലേക്ക് മാറ്റി. വ്യാഴാഴ്ച ഉച്ചയോടെ പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും.

എല്ലാവരുമായി നല്ല സൗഹൃദം പുലർത്തിയിരുന്ന യുവാവിന്റെ ആകസ്മിക മരണം നാടിനെ ഞെട്ടിച്ചിരിക്കുകയാണ്. മേൽപറമ്പ് പോലീസ് സംഭവത്തെക്കുറിച്ച് അന്വേഷണം നടത്തിവരുന്നു.

ശ്രദ്ധിക്കുക: സ്വയം ജീവനൊടുക്കുന്നത് ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോൾ ഫ്രീ ഹെൽപ് ലൈൻ നമ്പർ: 1056, 0471-2552056

ഈ ദുരന്ത വാർത്തയെക്കുറിച്ച് നിങ്ങൾക്കെന്താണ് പറയാനുള്ളത്? നിങ്ങളുടെ പ്രതികരണം കമന്റ് ചെയ്യൂ.

Article Summary: Youth found deceased at home in Melparamba, Kasaragod.

#Kasaragod #Melparamba #Death #KeralaNews #Tragedy #PoliceInvestigation