മാങ്ങാട് അണിഞ്ഞയിൽ യുവാവിനെ വീട്ടിനകത്ത് മരിച്ച നിലയിൽ കണ്ടെത്തി; അസ്വാഭാവിക മരണത്തിന് കേസെടുത്ത് അന്വേഷണം

ഉദുമ: (KasargodVartha) മാങ്ങാട് അണിഞ്ഞയിൽ യുവാവിനെ വീട്ടിനകത്ത് മരിച്ച നിലയിൽ കണ്ടെത്തി. കായലിങ്കാലിലെ മാധവിയുടെ മകൻ പി മധുസൂദനന്‍ (47) ആണ് മരിച്ചത്.

മുറിയിൽ മരിച്ച നിലയിൽ

2026 മേയ് 16 ശനിയാഴ്ച പുലർച്ചെയാണ് സംഭവം. അണിഞ്ഞയിലെ വീട്ടിലെ മുറിയിലെ ഫാനിൽ തൂങ്ങി മരിച്ച നിലയിലാണ് മധുസൂദനനെ കണ്ടെത്തിയത്. വിവരം അറിഞ്ഞെത്തിയ മേൽപറമ്പ് പോലീസ് ഇൻക്വസ്റ്റ് നടപടികൾ പൂർത്തിയാക്കി മൃതദേഹം പോസ്റ്റുമോർട്ടത്തിനായി മാറ്റി.

പോലീസ് അന്വേഷണം

മധുസൂദനൻ മുൻപ് ഡ്രൈവറായി ജോലി ചെയ്തിരുന്നതായും കുറച്ചുകാലമായി മാനസിക വിഷമത്തിലായിരുന്നുവെന്നുമാണ് പോലീസിന് ലഭിച്ച വിവരം. വിവാഹമോചിതനാണ്. സംഭവത്തിൽ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.

സുധാകരൻ, ബേബി, ബിന്ദു എന്നിവരാണ് സഹോദരങ്ങൾ.

(ശ്രദ്ധിക്കുക: സ്വയം ജീവനൊടുക്കുന്നത് ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. ടോൾ ഫ്രീ ഹെൽപ്പ്‌ലൈൻ നമ്പർ: 1056, 14416)

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതൽ വാർത്തകൾ അറിയാൻ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജില്‍ വാര്‍ത്തയുടെ താഴെ കമൻ്റായി രേഖപ്പെടുത്തുക.

Article Summary: P. Madhusoodanan, a 47-year-old man, was found dead in his house at Mangad Aninja in Udma on Saturday morning. Melparamba police have registered a case of unnatural death and started an investigation.

#Udma #KasaragodNews #Mangad #KeralaPolice #LocalNews #CrimeNews