ഓട്ടോയും കാറും കൂട്ടിയിടിച്ച് പരിക്കേറ്റ ഓട്ടോഡ്രൈവര്‍ മരണപ്പെട്ടു

കാസര്‍കോട്: (www.kasargodvartha.com 22/07/2017) ഓട്ടോയും കാറും കൂട്ടിയിടിച്ച് പരിക്കേറ്റ ഓട്ടോഡ്രൈവര്‍ ആശുപത്രിയില്‍ ചികിത്സയില്‍ കഴിയുന്നതിനിടെ മരണപ്പെട്ടു. ഉളിയത്തടുക്ക ലക്ഷംവീട് കോളനിയിലെ രാഘവന്‍-കല്യാണി ദമ്പതികളുടെ മകന്‍ ചന്ദ്രശേഖരന്‍(53) ആണ് മരിച്ചത്.

കഴിഞ്ഞ വ്യാഴാഴ്ച രാവിലെ കറന്തക്കാടിന് സമീപം ചന്ദ്രശേഖരന്‍ ഓടിച്ചുപോകുകയായിരുന്ന ഓട്ടോറിക്ഷ എതിരെ വരികയായിരുന്ന കാറുമായി കൂട്ടിയിടിക്കുകയായിരുന്നു. ചന്ദ്രശേഖരനെ ഉടന്‍ തന്നെ കാസര്‍കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചുവെങ്കിലും നില ഗുരുതരമായതിനാല്‍ മംഗളൂരു എ ജെ ആശുപത്രിയിലേക്ക് മാറ്റിയിരുന്നു. ശനിയാഴ്ച രാവിലെ ഏഴുമണിയോടെയാണ് മരണം സംഭവിച്ചത്.

ഭാര്യ: സുമതി. മക്കള്‍: രജനി, രഞ്ജിത്ത്, രജിത. സഹോദരങ്ങള്‍: ഹരിശ് ചന്ദ്രന്‍, ചന്ദ്രഹാസന്‍, രവീന്ദ്രന്‍, ചന്ദ്രാവതി, നിര്‍മല, ഉഷാകുമാരി, ശോഭ, ചന്ദ്രമോഹനന്‍.