ജീപ്പിടിച്ച് ബൈക്ക് യാത്രക്കാരനായ യുവാവ് മരിച്ചു

K.P.Shabeer

കാസര്‍കോട്: ജീപ്പിടിച്ച് ബൈക്ക് യാത്രക്കാരനായ യുവാവ് മരിച്ചു. സഹോദരന് പരിക്കേറ്റു. അഡൂര്‍ ദേവറടുക്ക, പൊയ്യമജല്‍ ഹൗസിലെ അബ്ദുല്‍ ഖാദറിന്റെ മകന്‍ കെ.പി ഷബീര്‍(19)ആണ് മരിച്ചത്. സഹോദരന്‍ ശഫീഖ്(22) നിസാര പരിക്കുകള്‍ക്ക് കാസര്‍കോട് സ്വകാര്യ ആശുപത്രിയില്‍ ചികിത്സ തേടി. ഉച്ചയോടെ കര്‍മ്മം തൊടിയില്‍ വെച്ചായിരുന്നു അപകടം. ശഫീഖ് ഓടിച്ചിരുന്ന ബൈക്ക് അതുവഴി വന്ന കെ.എല്‍ 13 ഇ 7920 നമ്പര്‍ ജീപ്പിടിച്ച് തെറിപ്പിക്കുകയായിരുന്നു. മാലീക് ദീനാര്‍ ആശുപത്രിയില്‍ ചികിത്സയിലുള്ള ബന്ധുവിനെ സന്ദര്‍ശിക്കാനായി പുറപ്പെട്ടതായിരുന്നു ഷബീറും ശഫീഖും.

ആയിഷയാണ് മാതാവ്. മറ്റു സഹോദരങ്ങള്‍: അഷ്‌റഫ്, ഇല്യാസ്, ബുഷ്‌റ, റെയ്ഹാന, നജുമുനീസ. മ്യതദേഹം കാസര്‍കോട് ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.



Keywords: kasaragod, Accidental-Death, Accident, Adoor, Youth, യുവാവ്, ബൈക്ക്, അഡൂര്‍-ദേവറടുക്ക