ഗള്‍ഫ് വ്യാപാരി മഞ്ഞപ്പിത്തം ബാധിച്ച് മരിച്ചു

C.H.Najumudeen

പരപ്പ: മഞ്ഞപ്പിത്തം ബാധിച്ച് എറണാകുളം ലേയ്ക്‌ഷോര്‍ ആശുപത്രിയില്‍ ചികിത്സയിലായിരുന്ന ഗള്‍ഫ് വ്യാപാരിയും ഭൂവുടമയുമായ പരപ്പ പട്‌ളത്തെ സി.എച്ച്.നജുമുദ്ദീന്‍ (35) മരരിച്ചു. കിനാനൂര്‍-കരിന്തളം പഞ്ചായത്ത് മുസ്‌ലിം ലീഗ് പ്രസിഡണ്ടും കമ്മാടം ജമാഅത്ത് പ്രസിഡണ്ടും കിനാനൂര്‍-കരിന്തളം മുന്‍ പഞ്ചായത്ത് മെമ്പറുമായിരുന്ന പട്‌ളത്ത് അബ്ദുള്‍ റഹ്മാന്‍ ഹാജിയുടെയും നബീസ ഹജ്ജുമ്മയുടെയും മകനാണ്. പത്ത് വര്‍ഷത്തോളം ജപ്പാനിലായിരുന്ന നജ്മുദ്ദീന്‍ അബൂദാബിയിലെ ബിസിനസ്സുകാരനുമാണ്.
ഭാര്യ ആരിഫ. നിഹാല്‍ ഏക മകനാണ്. സഹോദരങ്ങള്‍: സി.എച്ച്.കുഞ്ഞബ്ദുള്ള (വ്യാപാരി പരപ്പ), സി.എച്ച്.നാസര്‍ (കോണ്‍ട്രാക്ടര്‍), സി.എച്ച്.മുഹമ്മദ് കുഞ്ഞി, സി.എച്ച്.അബ്ദുല്‍ ഗഫൂര്‍(ജപ്പാന്‍), നസീമ, സുഹ്‌റ, റൈഹാനത്ത്.  നജ്മുദ്ദീന്റെ നിര്യാണത്തെ തുടര്‍ന്ന് പരപ്പ ഹയാത്തുല്‍ ഇസ്‌ലാം മദ്രസയുടെ ശിലാസ്ഥാപന ചടങ്ങിനോടനുബന്ധിച്ച് നടത്താനിരുന്ന സ്വലാത്ത് വാര്‍ഷികവും മറ്റ് പരിപാടികളും മാറ്റിവെച്ചതായി സംഘാടകര്‍ അറിയിച്ചു.

Keywords: Obituary, parappa, kasaragod, hepatitis