പനി ബാധിച്ച് ചികിത്സയിലായിരുന്ന യുവാവ് മരിച്ചു

By Web Desk - MainMay 26, 2018, 16:34 IST

കട്ടത്തടുക്ക: (www.kasargodvartha.com 26.05.2018) പനി ബാധിച്ച് ചികിത്സയിലായിരുന്ന യുവാവ് മരിച്ചു. പുത്തിഗെ കട്ടത്തടുക്ക വികാസ് നഗര്‍ സജിങ്കിലയിലെ മുഹമ്മദിന്റെ മകന്‍ തമീം (22) ആണ് മരിച്ചത്. പനി ബാധിച്ച് 10 ദിവസമായി മംഗളൂരുവിലെ ആശുപത്രിയില്‍ ചികിത്സയിലായിരുന്നു. ശനിയാഴ്ച പുലര്‍ച്ചെയാണ് മരണം സംഭവിച്ചത്.

മാതാവ്: നഫീസ. സഹോദരങ്ങള്‍: താജുദ്ദീന്‍, തന്‍വീര്‍, നസീര്‍, മിസ് വാദ്, ആഇശ, ത്വയ്യിബ, നാഫി. കോളജ് വിദ്യാര്‍ത്ഥിയായിരുന്ന തമീം കോളജ് കഴിഞ്ഞ് ജോലിക്കായുള്ള തയ്യാറെടുപ്പിലായിരുന്നു. തമീമിന്റെ മരണം നാടിനെ കണ്ണീരിലാഴ്ത്തി.