ചക്ക പറിക്കുന്നതിനിടെ പ്ലാവില്‍ നിന്നും വീണ് ചികിത്സയിലായിരുന്ന യുവാവ് മരിച്ചു

By Web Desk - MainDec 5, 2018, 19:22 IST

കാസര്‍കോട്: (www.kasargodvartha.com 05.12.2018) ചക്ക പറിക്കുന്നതിനിടെ പ്ലാവില്‍ നിന്നും വീണ് ചികിത്സയിലായിരുന്ന യുവാവ് മരിച്ചു. ചെട്ടുംകുഴിയിലെ പരേതനായ ഇല്യാസ്- ഹാജിറ ദമ്പതികളുടെ മകന്‍ മുഹമ്മദ് റഫീഖ് (26) ആണ് മരിച്ചത്. ഇക്കഴിഞ്ഞ മെയിലാണ് റഫീഖ് മരത്തില്‍ നിന്നും താഴെവീണത്.

സ്വകാര്യവ്യക്തിയുടെ പറമ്പിലെ മരത്തില്‍ നിന്നും ചക്ക പറിക്കുന്നതിനിടെ അബദ്ധത്തില്‍ കാല്‍തെറ്റി താഴെവീഴുകയായിരുന്നു. ഗുരുതരമായി പരിക്കേറ്റ റഫീഖ് ചികിത്സയിലായിരുന്നു. സഹോദരങ്ങള്‍: അഷ്‌റഫ്, ഹാരിസ്, ഇബ്രാഹിം, കബീര്‍, റഹ് മാന്‍, ഷംസീന, ഖദീജ, മിസ് രിയ.