തേങ്ങയിടാന്‍ കയറിയ യുവാവ് തെങ്ങില്‍ നിന്നും വീണുമരിച്ചു

കാസര്‍കോട്: (www.kasargodvartha.com 05.03.2019) തേങ്ങയിടാന്‍ കയറിയ യുവാവ് തെങ്ങില്‍ നിന്നും വീണുമരിച്ചു. അഡൂര്‍ കാട്ടികജെയിലെ ഭട്ട്യ നായികിന്റെ മകന്‍ ബി കെ മഞ്ജുനാഥ് (25) ആണ് മരിച്ചത്. തിങ്കളാഴ്ച രാത്രിയാണ് സംഭവം. സുഹൃത്തിനൊപ്പം സ്വകാര്യ വ്യക്തിയുടെ പറമ്പില്‍ തേങ്ങയിടാനായി തെങ്ങില്‍ കയറിയതായിരുന്നു. ഇതിനിടെയാണ് അബദ്ധത്തില്‍ വീണത്.

ഉടന്‍ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. ദുഗമ്മയാണ് മാതാവ്. സഹോദരങ്ങള്‍: ചന്ദ്രാവതി, മീനാക്ഷി, വിജയലക്ഷ്മി, ശാരദ. മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി.