കെട്ടിടത്തില്‍ നിന്ന് വീണ് പരിക്കേറ്റ യുവാവ് മരിച്ചു

By Web Desk - MainApr 12, 2019, 18:56 IST

കാഞ്ഞങ്ങാട്: (www.kasargodvartha.com 12.04.2019) വീട് നിര്‍മ്മാണത്തിനിടയില്‍ രണ്ടാം നിലയില്‍ നിന്ന് വീണ് പരിക്കേറ്റ് ചികിത്സയിലായിരുന്ന യുവാവ് മരിച്ചു. കോഴിക്കോട് പന്തീരംകാവ് ചന്ദ്രന്റെ മകന്‍ വിജേഷ് (35) ആണ് മരണപ്പെട്ടത്. അതിഞ്ഞാല്‍ പള്ളിക്ക് സമീപത്തെ രണ്ടുനിലവീടിന്റെ നിര്‍മ്മാണത്തിനിടയിലാണ് വിജേഷ് അബദ്ധത്തില്‍ താഴെ വീണത്.

പരിക്കേറ്റ വിജേഷിനെ മംഗളൂരു എ ജെ ആശുപത്രിയില്‍ പ്രവേശിപ്പിച്ചുവെങ്കിലും പിന്നീട് കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു. ഇവിടെ ചികില്‍സക്കിടയിലായിരുന്നു മരണപ്പെട്ടത്.