യുവതിയെ വീട്ടിലെ കുളിമുറിയിൽ മരിച്ച നിലയിൽ കണ്ടെത്തി

കാസർകോട്: (KasargodVartha) കൂഡ്ലുവിൽ യുവതിയെ വീട്ടിലെ കുളിമുറിയിൽ മരിച്ച നിലയിൽ കണ്ടെത്തി. വീവേഴ്‌സ് കോളനിയിലെ അനിൽ ഹൗസിൽ സതീശന്റെ ഭാര്യ രവീണ(30)യാണ് മരിച്ചത്.

സംഭവം ഇങ്ങനെ

ബുധനാഴ്ച (07.01.2026) വൈകുന്നേരമാണ് രവീണയെ വീട്ടിലെ കുളിമുറിയിൽ തൂങ്ങിയ നിലയിൽ കണ്ടെത്തിയത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വ്യാഴാഴ്ച (08.01.2026) രാവിലെ കാസർകോട് ജനറൽ ആശുപത്രിയിൽ പോസ്റ്റുമോർട്ടം നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുനൽകി.

പൊലീസ് അന്വേഷണം

സംഭവത്തിൽ കാസർകോട് ടൗൺ പൊലീസ് അസ്വാഭാവിക മരണത്തിന് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. ഏതോ മാനസിക വിഷമമാണ് യുവതി ജീവനൊടുക്കാൻ കാരണമെന്നാണ് പൊലീസിന്റെ പ്രാഥമിക നിഗമനം.

കുടുംബം

പരേതനായ രവി-ആശ ദമ്പതികളുടെ മകളാണ് രവീണ. പായിച്ചാൽ ചൈതന്യ വിദ്യാലയത്തിലെ വിദ്യാർത്ഥിയായ യാഷ് ഏകമകനാണ്. ഋത്വിക് റോഷൻ, അജ്ഞന എന്നിവർ സഹോദരങ്ങളാണ്.

ശ്രദ്ധിക്കുക: സ്വയം ജീവനൊടുക്കുന്നത് ഒന്നിനും പരിഹാരമല്ല, മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. അത്തരം ചിന്തകളുള്ളപ്പോൾ 'ദിശ' ഹെൽപ് ലൈനിൽ വിളിക്കുക. ടോൾ ഫ്രീ ഹെൽപ് ലൈൻ നമ്പർ: 1056, 0471-2552056

മാനസിക സമ്മർദ്ദങ്ങളെ അതിജീവിക്കാൻ നമുക്ക് എന്തൊക്കെ ചെയ്യാം? അഭിപ്രായം പങ്കുവെക്കൂ.

Article Summary: Young woman found dead in bathroom at Kasaragod; Police register case for unnatural death.

#Kasaragod #Kudlu #UnnaturalDeath #PoliceCase #KeralaNews #LocalNews